චතුරංගි හර්ශිකා 3 years ago 158 5 7
රෝස පෙත්තකට පිණි බින්දුවක් බර වැඩියි ද මලකින් ම අහන්න... ආදරේට උඹ දුන්නු කදුළු කැටයම් බර නැහැ හැකියි දරාගන්න... සදාකාලික නොවන හීනවල සොඳුරු සිතුවම් නොහැකිද අදින්න... ජීවිතේ හැම මිනිත්තුවකම නතර නොවුණු ආදරයක් නුඹ හිත ළගින් ම... හදවතින් පමණක් ම මම නුඹ වෙත පිදු ආලය මා මියෙන තුරාවට තිබේවි හදෙහි ගැඹුරින් ම... ප්රේමය නමැති ආගාරයේ නුඹ මගේ මතකය මත මට හොරෙන් හැමදාම පා තබා ඇවිදින්න... මේ රෝස පෙති වලට උඹ දුන්නු කදුළු කැට බර නැහැ හැකියි මට හැමදේම උහුලන්න... හබල අහිමි ජීවිතේ නැවට එක කුණාටු දිනයක සරණක් වෙලා දියඹ තරණයට රුකුල් දෙන්න... මට හැකියි හැමදාම මගේ මෙන් ම උඹේ කදුළුත් දරාගෙන හිනැහෙන්න... මම, චතූ
චතුරංගි හර්ශිකා 3 years ago 151 5 7
කම්මැලි කමට මොනාහරි කුරුටු ගාන්න හිතුනම ඇවිත් යන සොඳුරු නවාතැන... එන යන බොහෝ උන් වැඩිය නොඑන නිසංසල හුදෙකලා කවි ඉසව්ව... ආදරණීය ජීවිතේ සරලවම කවි කරපු හිත නිවන කැටපත් පවුර... නිසදැස් පිටුව ඔය නුඹට හරි ආදරෙයි හැමදාම මම... මම, චතූ
චතුරංගි හර්ශිකා 3 years ago 141 4 5
වසත් අහසට ආදරෙයි මම පරවියෙක් රහසින්ම කිව්වා... අකාලික කුළුදුල්ම සෙනෙහස පරෙවි තටු මත කවි ඇහින්දා... ප්රේමයට කවිකාර පූජා දෙවගනුන් ළග නිතර තිව්වා... සදත් රහසින් මද පවන හා වසත් කාලය අරන් ආවා... වසන්තේ එක දිනෙක විකසිත පරෙවි හදවත පෙම විමසුවා... ලොවම කම්පා කරවමින් පෙම දෙපා අභියස කඩා වැටුණා... පෙර වගේ හැමදාම ලන්දේ රතු රෝස මල් නිතර පිපුණා... ලොවට රහසින් ඔහේ ගොල්ලක පරවියෙක් ඉකි බිදිනු ඇසණා... මම, චතූ
චතුරංගි හර්ශිකා 3 years ago 99 5 8
හැමදාම මතක අවුලා මම මටත් හොරෙන් හැඩුවා ඒ මතක හිතම සගවා මද පවන ඔහේ හැමුවා... ගිය මගක පවා පෙරදා දුටු නොදුටු කුසුම් පිපුණා හැම ගහක් මලක් ගානේ අපෙ මතක සිනහ තිබුණා... මග නොහැර අවරගිර සදුට හොරෙන් එක වලාකුළක් හැඩුවා නුඹ හොයන අකීකරු හිත් මල වාගෙම බිනර වැස්ස වැටුණා... මට අහිමි හීනයක කදුළු හොයනකොට සිතුවිලි පවුරු අරා ඔය මටත් හොරෙන් ඒ දුක ගැන දැනහුන් මහවැලියත් හැඩුවා... මම, චතූ
චතුරංගි හර්ශිකා 3 years ago 136 4 6
පෙර දිනෙක හැන්දෑවේ නොසිතූ මොහොතක අහම්බෙන් මෙන් මට හරි අපූරු මිනිසෙක් මුණගැසුණි... හෙතෙම තම ඇකයේ සුරතල් කුඩා දරුවෙකු හොවාගෙන ළදරු උයනේ තනිව ඇවිදිමින් සිටියේය... මා හා පිළිසදරට වැටී හරි අපූරු කතාවක් ඔහු මගේ සවන් මත මෙලෙස තැබීය... ඈ පරසතු කුසුමකි සරසවියේ සිහින උයනේ පිපී දෙනෙත් මත් කරමින් සුන්දර හීනවල හිනැහුණු... ඔහු ප්රේමණීය හදවතක පිරුණු සෙනෙහසක් දෝත දැරූ කවිකාර පෙම්වතෙකි... මේ අතර වාරයේ ඔහුට ප්රථම වෙනත් බඹරෙකු රූබර පරසතු මල තමා සතු කරගති... අප්රකාශිත යොවුන් ප්රේමය හදවත තුළම කවියක් වී සෞන්දර්යවාදී පෙම්වතා නිරුත්තරව බලා උනි... කාලය ගෙවී සරසවියෙන් එපිට ලොවේදී ඔහුගේ සිහින කුමරිය ආගන්තුක බඹරාගේ අත ගති... නෙතේ කදුලක් තියා තම පෙම්වතිය ඔහු හා යනමග සෞන්දර්යවාදී කතානායකයා බලා උනි... කාලය ඊයක වේගයෙන් ගෙවී ගොස් නොසිතූ මොහොතක ප්රේමණීය යුවල අවාසනාවන්ත ලෙස මෙලොව හැර ගියහ... සෞන්දර්යවාදී පෙම්වතා මවක් පියෙක් අහිමි පුතුට ලේ බැම්මක් පවා නොමැතිව ප්රජාපතියක් විය... අවසාන වශයෙන් ඔහු මට මෙසේ කීවේ ය... "මහ උන්ගෙ කදුළු පොඩි උන්ට දැනෙන්න දෙන්න හොඳ නෑ" මම, චතූ 2020 ඔක්තොම්බර් මස 31
චතුරංගි හර්ශිකා 3 years ago 180 4 4
රළු කටුක දිවි ගමන කටුක මුත් රළු වුවත් හිනාවෙන් බලා හිඳ සැනසෙන්න මා සබඳ... නමුදු ඔබ නසන උන් පෙරමගට බට තුමුල වනසන්න පෙර නුඹව අවි ගන්න සැරසෙන්න... මම, චතූ
චතුරංගි හර්ශිකා 3 years ago 146 4 5
වැහිබර අහස සද තරු සැගවූවද රාත්රියට ගනදුර මකන ඒ ආලෝක වස්තු සදාකාලිකව සගවා තැබිය නොහැක... සනාතන දහමක පණිවුඩය තුළ කාලයත් සමඟ බාහිරින් බොහෝ දේ වෙනස් වේවි... නමුත් එදා අද පුරාවට හදවත් හි රැදි තාරුණ්යය මකන්නට කාට නම් හැකි වේද...? මම, චතූ
චතුරංගි හර්ශිකා 3 years ago 120 4 4
සිනාසෙන්න, හඩන්න බැරි නිසා නොව... කදුලටත් වටිනාකමක් අවැසි නිසා... හඩා වැටෙන්න, සිනාසෙන්න බැරි නිසා නොව... සිනාවටත් වටිනාකමක් අවැසි නිසා... නමුදු, සිනාවට කදුලට උකස් කළ ජීවිතය සින්නක්කර නොදෙන්න... මම, චතූ
Geethanjalee ? 3 years ago 167 4 4
අහසටම අයිති ඉර හවසට අයිති කරගෙන ක්ෂිතිජ ඉමේ කොනක එක් රැයකට හංගාගෙන උදේ වන විට යළිත් අහස ඉර හොයාගෙන.... පුංචි යාලුවන්ගේ වැලි මාලිගා කඩා ගෙන නිතර වෙරළට ගලන පෙණ කැටිති නංවමින් හිනාවෙන... හෝ ගානා පොකුණ ලස්සනම හවසකට මවෙත ඇදෙනා සැමගේ සිත් සතුටින් පුබුදු කරන කවි සිතුවිලි කළඹමින් කවියන් බිහි කරන... ඉර අවරට යනෙන විට මැවෙන ඒ සොඳුරු සිතුවම තෙලිතුඩින් සිතුවම් කරලා හදවතින් සායම් කරන සොඳුරු සිත්තරුවන් මවන.... දෙපා වල හැපි හැපී නැවත ඈතට යනෙන ගිහින් ආයෙම නැවත එන නගරයේ මහමග දුවන විඩාබර නෙතු වලට මොහාතකට සැනසිල්ල දෙන සයුර මම.....
චතුරංගි හර්ශිකා 3 years ago 167 4 6
උවනත පුරා මදහස නංවාලන්න හදවත කොණක ඇවිදින් ඉඩ අරගන්න සදවත පුරාවට එක කවියක් වෙන්න ප්රේමය නුඹ හොරෙන් මල් විමනට එන්න... අවසග නොවන හිත ළග සැගවී ඉන්න සීතල ගොම්මනක මගෙ නෙතු සිපගන්න රෑ කොවුලන්ට මද නළ කී රහසින්ම මගෙ දෙසවන් සනහා නෙතු පියවන්න... නිලුපුල් පෙති මානෙල් මල් සරසන්න වලාකුළු විමන් මැද ඇවිදන් යන්න හීන් සීරුවේ ප්රේමය පහදන්න සුන්දර කවියක් ව දෑතේ පැටලෙන්න... මන්දාරමට කුඩයක් නැති ගොම්මනක හීන් පොද වැටෙන හිරිකඩ සීතලක හදවත පුරා ගීයක් වී උණුසුමට ආසයි නුඹ එක්ක තව දුර ඇදෙන්නට... ලා හිරු එන තුරා පෙරඹර අහස යට මැදියම් හීනයක දොඩමළු වී ඉන්න දෙසවන් පුරා ඔය සිනහව තවරන්න ආදරණීය නුඹ මා ළඟ නවතින්න... මම, චතූ
චතුරංගි හර්ශිකා 3 years ago 162 2 2
දම්පාට දේදුන්න මල් සුවඳ ඉහිරෙන්න වැහි හුළං අරං ආ මතක පොදි බොදවෙන්න... වේදනාවක කටුක රළු ගැහැට හැරයන්න මටත් ආසයි සුළං නුඹ වගේ පාවෙන්න... - චතූ
Rasika Maduwanthi 3 years ago 218 5 4
ජීවිතෙ අනන්ත ය වෙනකන් ම මට ඔයා එක්ක ඉන්න ඕන ❣️ මම ආදරෙයි මගෙ මැනිකට එ තරමටම ❣️ ❣️❣️❣️❣️❣️❣️❣️ ✍️මදු 2021.05.02 ප. ව. 4.08
Copyright © 2021 Nisadas | Powered by Arvin Apps