චතුරංගි හර්ශිකා 3 years ago 162 5 5
අත්හරින්න සිතා මිටි කරගත් දෑත් අත්හැරි පසුව ඉතුරු වූයේ හිස් දෑතයි... එවිට තවත් බොහෝ දෑ අල්වා ගැනීමට හිස් දෑත් වලට හැකි විය... අත්හැරීම වනාහි අල්ලා ගැනීමක් ද එවිට අත්හැරීමක් නැතිද? අල්ලා ගැනීම පමණමද ජීවිතයේ හැම තැනකම තිබුණේ? මම, චතූ
Geethanjalee ? 3 years ago 181 4 4
මොහොතක ඉසිඹු ලබන්නට කෙනෙකු නවතින සෑම තැනකම සෙවන ගසක් ඇත්තේ නැත සෙවන ගසක් ඇති සෑම තැනකම විඩාවට පත් යමෙක් නැවතී සිටින්නේද නැත ජීවිතය යනු නොගැලපීම් සමුදායකින් සැදුම්ලත් විශාල වනාන්තරයකි නවතින්නට සිතෙන සෑම තැනකම සෙවන නැතුවා සේම, සෙවන ඇති සෑම තැනකම යමෙකු නැවතී සිටින්නේද නැත.... ???????
චතුරංගි හර්ශිකා 3 years ago 149 4 5
හැන්දෑවේ පිණි කැට වලාකුළු අතරෙ හාදු තියනකොට... ගගනතට ළං වෙන්න තරු කුමාරියො හීන දකිනකොට... රෑ පුරාවට මා වවුල්ලු මට නොතේරෙන ගීත ගයනකොට... අහංකාර පුරා හද අද ඇවිත් නෑ අහසට අමාවක... දන්නවද තාම තණ බිමට හිරු එළිය ලස්සනට වැටෙනකොට... සූරියකාන්ත මල් වලට ජීවය පොවනවලු මද සුළඟ... අහස් ගවුවෙන් එහා ඉමක මට හොරෙන් ඉගිල්ලුනු මතක හිත... මේග දූතයක් වෙලා හීන දෙපාමුලටම ගෙනැල්ලද කොහෙද... මැරුණු වැලලූ කතාවක පිටුවෙන් පිටුව ආයෙත් කියවනකොට... නොතේරෙන තැන් පහදන්න ශබ්ද කෝෂයක් අවැසි නැහැ මට... ජීවිතේ තක්සලාවෙන් මම උගත් හැමදේම... මේ තක්සලාවේ හැම ප්රශ්න පත්රයකටම උත්තර ලියන්න සෑහේවි මට... මම, චතූ
චතුරංගි හර්ශිකා 3 years ago 175 4 5
නේන බව දැනගත්තෙ නෑවිත් ගොඩක් කල් ගතවුණු නිසා...? හංගගෙන ඇස් අස්සේ කදුළු ලෝකෙටම පේන්න මම හිනාවුණා...? මතක පිරුවට ගිනිබත් කළත් එකතු කරපු මතක මහ ගොඩක් තිබුණා...? නෑවිත්ම ගොඩක් කාලයක් ගියාම මමත් ටික ටික තනිකමට හුරු වුණා...? හදිසියෙන්ම ඔබ ආයෙමත් ආවත් මියැදුන හිතට පණ දෙන්න උඹට බෑ...? ඒ නිසා ගිය තැනක නැවතිලා හිටපන්? රෑ වැටුණු වලේ දවල් වැටෙන්නෙ නෑ...? මම, චතූ?✌
චතුරංගි හර්ශිකා 3 years ago 149 3 5
ඇහැළ මහ වැහි කලුව එලා තිරපට හවස ඉදහිටත් බිදෙන් බිද කදුළු වැහි බිඳු හලන... මලානික අහස යට හීතලම හුළං පොද බලා අවසන් මතක නිමා නොකරනු කිමද... බක් මහට මෙහි ආව කොවුලෙක්ගෙ කෑ ගෑම නොනැවතී ඇසෙන්නේ හැර ගොසින් දෝ පියඹ... වැහි බරම අහස් ගැබ පාරනා මතක පොත කොවුල් වැලපුම අතර යළිත් හිත වෙලාගෙන... - චතූ
අනූ ගමගේ 3 years ago 102 3 4
දැත් බැඳගෙන එදා ඔහේ කුටු කුටු ගගා තුරුල් වී ලන් වෙලා නොදැනීම ගොම්මන උනා සුන්දර මතක ගොන්නක් කිතිකාවයි මුළු හදවතක් දැක ගන්න මුව පොඩ්ඩක් අයදිමි මා යළිත් වරමක් සෙනෙහෙ බර නුඹේ නමට නැගුණු උණුසුම් හැඟුමට බැහැ තවත් ඉවසන්නට එන්න යලි හමුවන්නට
චතුරංගි හර්ශිකා 3 years ago 172 3 4
-රචකයා සහ සාරධර්ම- අපි කවි ලියනවා අපි කතා ලියනවා අපි කවි කියවනවා අපි කතා කියවනවා... සමහර අයට වචන තියෙනවා සමහර අයට වචන නෑ සමහර අයට වචන නැතත් රසවින්දන හැකියාව තියෙනවා... ඒ නිසාම අපි ලස්සනයි කියලා හිතෙන ලස්සනයි කියලා දැනෙන ගොඩක් දේවල් ආසාවෙන් කියවනවා... ඒ කියවපු දෙයක් අපි ආසා නිසාම තවත් අයට බලන්න වෙනත් තැනක ලියනවා... ඇත්තමයි ඒක වැරදි නෑ රසවින්දනය හැමෝටම පොදුයි හැබැයි මතක තියාගත යුතු එක දෙයක් තියෙනවා... හැම නිර්මාණයකටම අයිතිකාරයෙක් ඉන්නවා ඔබත් සදාචාරාත්මක රචකයෙක් වෙන්න... ජීවිතේ ලස්සනම දේ කියවීම සහ රසවින්දනය මගෙ දෘෂ්ටියට අනුව මම එහෙම හිතනවා... ඉතින් ඔබේ නොවන දෙයක් සදහන් කරනකොට උපුටා ගැනීමක් බව අමතක නොකර ලියන්න... කුරුටු ගාන්න ඕනිම කෙනෙකුට අයිතියක් තියෙනවා ඇත්තටම... ඉතින් මොනවා කුරුටු ගෑවත් සදාචාරාත්මක පුද්ගලයෙක් වෙන්න අමතක නොකර හිතට ගන්න... මම, චතූ✍
ශශී❤️? 3 years ago 213 5 7
නුවන් කැල්මේ රුසිරු වත ගොත සිහිල් පින්නේ දියව යාවී සිහින් නෙතු අග රැදුනු කදුලැල් සුසුම් අරණේ සැගව යාවී දැලින් පැටලුනු සිහින මායා මිරිගුවක් වී දුරක යාවී සිතින් ගිලිහුනු ප්රේම කවියේ පසුවදන නුබ ලියා යාවී ශශී
චතුරංගි හර්ශිකා 3 years ago 171 3 4
නොඑන්නම ගියාමත් එනකල් මග බලපු උන්... මතක මැකුනත් පාට තවරපු උන්... කවිකාර හීන රහසින් කදුළු කරපු උන්... දාහක් ප්රශ්න මැද හොයලා බලපු උන්... සදහටම ඈත් වුණත් අමතක නොකරපු උන්... මතක පිටු අතරේ ආදරේ කවි කරපු උන්... ඒ තමයි ලෝකෙ ඇත්තටම ආදරේ කරපු උන්... මම, චතූ 2020 ඔක්තොම්බර් මස 27 වැනි දා
චතුරංගි හර්ශිකා 3 years ago 163 4 5
බලාපොරොත්තු පොදි ගහගෙන මේ ගමන යනකොට අතරමග තනි වුනා අපේ සිතුවමේ පැන්සල් ඉරක් උඩ... පැන්සල කඩලා විසිකරාම ඈතට කොහොම අදින්නද අපේ සිතුවම ඉතින් මම... කාලෙකට පස්සේ හුදෙකලා හවසක ඔය අපේ සිතුවමේ ලස්සනම කොටසක... මම ගිලී ඉන්නකොට නොදැනීම හිත යට උපන් අන්තිම කදුලත් වෙන් වුණේ උඹ නමට... මම, චතූ
චතුරංගි හර්ශිකා 3 years ago 95 3 4
මම ආදරෙයි කිව්වා තරම් මහ අහසක්... උඹ ආදරෙයි කිව්වා තරම් මහ පොළොවක්... පෘථිවියෙන් වැඩි හරිය වතුරනෙ කොහොමත්... පොළොව තියෙන්නේ පොඩිම පොඩි කොටසක්... උඹ කියලා තියෙන්නේ බොරු නෙවෙයි ඇත්තක්... මමත් ගියේ ආදරේ හොයාගෙන බොරු ගමනක්... මම, චතූ 2020 ඔක්තොම්බර් මස 27 වැනි දා
Rasika Maduwanthi 3 years ago 224 3 7
මේක ස්තූති කිරීමක් වගේ අනේ මන්දා එහෙම කියන්න ත් බෑ වගෙ. මන් ගොඩක් ලස්සන්ට කවි නිසදැස් ලියන්න දන් නෑ හිතුන එක නිකන් ලියන්ව . ඒත් මන් දාන නිසදැස් වලට අනිවාරෙන් ගොඩක් වෙලාවට ? චතු ? දීශා ? ඔය දෙන්නගෙ ච්ඔම්මෙන්ට් ලිකෙ තියෙනව .අනේ ම්න්දා මට ගොඩක් සතුටුයි ඔය දෙන්න මට අක්කලා වෙන්න ඇති මට 17 යි. මන් ඔය දෙන්නට මාරම ආදරෙයි ඔයාලගෙ නිසදැස් ගොඩාක් ලස්සනයි . මදු ✍ 2020.10.26 11.56 ප.ව
Copyright © 2021 Nisadas | Powered by Arvin Apps