චතුරංගි හර්ශිකා 4 years ago 121 2 2
අද පටන් ගත්තෙ විශේෂ මාසයක්! එක හවසක මතකද ජීවිතේ කවියක්... මේ ගහ යටම දැන් මම වරුවක් බලාගෙන හිටියා එයි කියා වැරදිලාවත්... කහ මල් උනත් හිනැහෙනවා තනියෙන්... මට අඩන්නවත් නෑ අයිතියක්... ප්‍රිය හදවත තව පාරක් ඇවිදින් යන්න හැකිනම් අදවත්... කියන්නට දේවල් නැහැ දැන් නම්... ඒත් බලාගෙන ඉන්නම් නුඹ දිහා කල්පයක්... අපෙ මතකයන් ගොඩ ගසා මමත්... හදන්නම් හිත් බිම මත ටජ්මහලක්... - චතූ
චතුරංගි හර්ශිකා 4 years ago 138 2 2
මටත් තිබුණා මම හීන මවපු ලස්සන හත් පෙති මලක්... අවාරෙට පරවෙලා මැරිලා ගියාට මතක නෑ ගියේ තවත්... පෙත්තෙන් පෙත්ත කඩලා පතන්න පැතුම් නම් හරි ගොඩක්... පතන්න තියා බලන්නත් කලින්ම මල මැරිලා හරි දුකෙන්... - චතූ
චතුරංගි හර්ශිකා 4 years ago 145 2 2
2020 සැප්තැම්බර් මස 01 වෙනිදා මල් පාර අසලදී... හා හා පුරා කියලා අළුත් මාසෙ පලවෙනි දවස... මම ආවා අපිට පුරුදු මල් පාර ළගට... තවම උදේ නවයට විතර ඇති... මීදුම හරි සැරට අහස පුරෝගෙන... නුවරට අදත් වැස්ස අනෝරාවට කඩාගෙන නොවැටුණාට දවසම ටික ටික වහිනවා... මම ගියා හැමදාම නැවතුණු කහපාට මල් ගහ යටට... තාර පාරේ ඈතින් වාහන එක දෙක එනවා... හරි සද්දෙට බයික් එකක් එනවා ඇහෙනවා... ඔන්න එයා එනවා! මගෙ හිත කෑ ගහලා කියනවා... උඹට පිස්සුද? මම හිතෙං අහනවා... එයා ගියා යන්නම ගියා... ආයෙ එන්නේ නෑ ආවත්, දැන් මට අයිති නෑ... කහපාට කැලණි තිස්ස මල් සිය ගානක් බිම වැටිලා... එන එන හැමෝගෙම පයට පෑගෙනවා... මීදුම අහස වහගෙන ඉර පේන්නවත් නෑ... ඒත් මේ ගහයට ඉර පායලා වගේ... කහ මල් බලාගෙන ඉන්නවා මාත් එක්ක අහස දිහා... ඉර එනකං... - චතූ
චතුරංගි හර්ශිකා 4 years ago 135 3 3
අතොරක් නැතුව ලියනවා අකුරක් ගානෙ ඉන්නවා කදුලක් උනත් වැටෙනවා හිත තවමත් තදින් රිදෙනවා එක පිටුවක් ඉරල දානවා අනිත් පිටුවෙත් උඹම ඉන්නවා පිටු ඔක්කොම එකතු කරනවා කොල ගොන්නටම ගිනි තියනවා හැම හීනෙම රෑට ඉන්නවා හැම මොහොතම උදුර ගන්නවා මොන කවියෙත් මැදින් එබෙනවා මට මාවම එපා කරනවා! - චතූ
චතුරංගි හර්ශිකා 4 years ago 147 2 2
ලෝකයේ හැම තැනම වාගේ හරිම ලස්සන දසුන් ඇති මේ මගේ රට තුළ සොබාදහමේ අපූරුව පුදුමයි අගෙයිනේ... පින්තූරයක් ගන්න මොහොතේ අසිරිමත් සුන්දර රටේ මේ අහස විනිවිද හැම ඉමකදිම විදුලි රැහැනක් හමුවුණානේ... සොඳුරු කවියක පැල්ලමක් ලෙස දිය සලකුණක් ගැසූ ලෙසකට ඇත්තටම මේ වයර් අහසේ හතර අතටම ඇද්දෙ මොකටද... - චතූ
චතුරංගි හර්ශිකා 4 years ago 143 3 3
සෙනෙහස සුසුමක් ගානේ උතුරන විට රෑ යාමේ... මතක් උනෝතින් මාවත් මතකෙන් පිටමං කරන්න... තවත් ඉතිං අපි දෙන්නා අපි දෙන්නගෙ නොවෙන නිසා... මතක ඉරා උඩු ගුවනේ දුර ඈතට පා කරන්න... මම කවදාවත් ආයෙත් ළං වෙන්නෑ කාටවත්ම... දවසක එන්නම් උදයක ලස්සන කූඩුව බලන්න... ඈත ඉඳන් බලන් ඉදලා නොදැනෙන්නට යන්නම් මම... උඹේ පුංචි පුතා ටිකක් දැකගන්නම් රහසේ මම... උඹ හිනැහෙන ගිම්හානෙක දුර ඈතම කදු මුදුනක... උඹට හොරෙන් උඹේ හිනා බලා හිඳිමි හැන්දෑවක... - චතූ
චතුරංගි හර්ශිකා 4 years ago 156 2 2
කවි හිත මැරුණු එක හවසක අපේ ගමේ... සිරිපා කන්ද පෙනෙනා සුන්දර තැන්නේ... ලස්සන ගල් කුලක නැවතී මේ යාමේ... මම යමි හිත එක්ක සිතුවිලි ගංගාවේ... පුර හඳ එන්න තව වේලා තිබෙන නියා... ගගනත කොණක නිල් සිනහව මදෙස බලා... තුරු මුදුනක් මැදින් බොදවී ඉගි කරලා... ලස්සන නිල් අහස මට දැන් හිනාවුණා... අවසර නැති සිතුවිලි යානයක් ඇවිත්... හිත නංවාගෙන හරි දුරකට ඇදී ගිහින්... සිරිපා වන්දනාවට මේ හවස ඉතිං... යන්නට සමනලුන් යනවා බැති හිතකින්... අවාරෙ සිරිපා වදින්න යන්න මට... මේ වසරේ හැකි වුණොතින් හොඳයි හෙට... මම මගෙ හිත ඔබා සීතල ජලය මත... සීත ගඟුලෙ පා කර එමි මගේ හිත... - චතූ
චතුරංගි හර්ශිකා 4 years ago 150 2 2
උඹ නැවතුණාට පස්සෙත් මම දිගටම ආවා... සතුට හොයාගෙන සැනසීම හොයාගෙන... දුරුත්තෙ කදුළු බිව්ව මම බිනර මහේ හිනාවෙනවා... දැන් ලස්සනයි හිත උඹ ගිය එකමයි හොඳ... - චතූ
චතුරංගි හර්ශිකා 4 years ago 157 2 2
මගෙ ජීවිතේ ම පාට! කැන්වසය පුරාවට හැමදාම ඇන්දෙ පාට පාට රූප... අදින අපි හැම මොහොතකම අපේ හීන ලස්සන පාට වලින් පුරවනව... අපි ආසයි අනිත් උන්ගෙ ජීවිතත් ලස්සනට පාට කරන්න... මුළු ලෝකෙම අදුර මැකෙන්න... හැම හිතකම පාට තවරන්න... මම මගෙ පාට පාට හිතෙන් සිතුවිලි පාට කරනව! අනිත් උන්ට පාට ගාගන්න ඕනි තරම් ඉල්ලන්න... ලස්සන පාට ලෝභ නැතුව දෙන්න කියලා මේ කලාව අපිට උගන්නලා තියෙනවා... අදින නොඅදින හැමෝම පුළුවන් විදියට ලස්සන පාට වලින් හීන පුරෝමු... ජීවිතේ ලස්සන පාට පාට හීන ඇතුළෙ ඒ පාට සතුට ගෙනෙයි හැමදාම... - චතූ
චතුරංගි හර්ශිකා 4 years ago 139 2 2
මගේ දිනපොත නුඹ දන්නෙ නෑ ආදරේ ගැන නිරන්තර මම... නුඹට කිව්වත් හැගුම් දියකර සැබෑවට ලොව බොහෝ උන් ළග... නිරන්තර හිත සොවින් පුරවා තිබුණේම දුක් පෙම් කතා බව... ඊයෙ මට අහඹුවෙන් ඇසුණා මගේ හදවත පවා රිදුනා... කදුළු මැද්දෙන් වේදනා පිරි බොහෝ ආදර කතා තිබුණා... හරිම පුදුමයි බොහෝ හිත්වල ආදරේ රිද්දලා තිබුණා... - චතූ
චතුරංගි හර්ශිකා 4 years ago 151 2 2
2020 අගෝස්තු මාසෙ 31 මාසෙ අන්තිම දවස! මේක හැන්දෑවක් උඹ දන්නවද... මම ඉන්නේ අක්බාර් පාලම උඩ...! මතකයිද? අපේ මතක විසි කරපු මේ ගඟ! හැමදාම වගේ අදත් ගලනවා... මට පේනවා පෙණ අතරෙන් රොබරෝසියා මල් පෙත්තක් පාවෙලා එනවා... හරියටම උඹ දවසක හවසක මේ ගඟට විසිකරපු මගෙ හදවත වගේ... ගල් බොරලු මැදින් ඒක පාවෙලා එනවා දිය රැළි , මල් පෙත්තට රිද්දනවා... මේ පැත්තෙන් ගහගෙන ආව මල් පෙත්ත පාලම යටින් අනිත් පැත්තට ගඟ දිගේ ගලාගෙන යනවා... මම අනිත් පැත්තට දුවනවා ඒත් මල් පෙත්ත නෑ...! ගඟ පහළට ගලාගෙන යන්න ඇති වතුර එක්ක... නැත්නම් පාළම යට රැදෙන්නැති ගල් ගොඩක... මට යන්න හිතයි මල් පෙත්ත හොයාගෙන... පරිස්සමට අරගෙන තණකොළ උඩින් තියන්න... නොරිදෙන්න නොතැලෙන්න... ඒත් මම කොහොම යන්නද මම තවම පාළම උඩ... ඉර අහස කොණක ගිලෙනව මම බලාගෙන ඉන්නව... චතූ
චතුරංගි හර්ශිකා 4 years ago 132 4 5
අගෝස්තුවේ ග්‍රීස්මෙ හැම අවුරුද්දකටම පොදුයි ඒත් අද රෑට අහස හඩනා හැඩයි... වහල මත වැහි බින්දු මහ හඩින් ඇද වැටෙයි නිසංසල රෑ ගගන කැළඹිලා වගෙ තමයි... දහවලේ ගිනි අවුව කර කෙරූ පොළොව මත වැහි තෙතට ඉරි ඇදෙයි පස් ගොඩැලි මත රෑට... වියළි මහ පොළොව මත වැහි බිංදු වැටෙන කොට පුදුම සුවඳක් දැනෙයි මගෙ නාස් පුඩු වලට... කහ පාට ඉරට වත් දෙවෙනි නැති කහ පාට ඉරිඟු යායට වැස්ස සිපගන්න හැකි රෑට... හෙට උදේ අපි දැකපු මහ පොළොව බොර පාට පුංචි ඇළවල් පිරුණු ඉසව්වක් වෙයි නේද... චතූ
Copyright © 2021 Nisadas | Powered by Arvin Apps
