ශශී❤️? 4 years ago 243 5 8
දෑතම දිගුකර දිවුරුම් දුන්නට කිසි දින හැරදා නොයමි කියා ඒ දිවුරුම අද කදුලක දැවටී පවනේ පාවී යයි රිදවා සෙනෙහස විදිනට නුබගෙන් මොහොතක් මට අවසර නැති බව දැනිලා නුබ දුර ඈතක පාවී යනු දැක මගෙ සිත සුසුමින් වට කෙරුනා පෙරදින හමුවී දොඩමලු වූ ඒ සුමිහිරි මතකය අවදි වෙලා වසන්තයට පෙර ගිලිහුනු කැකුලක් හැගුමන් ලග අද වැද වැටිලා උයනක වැතිරුනු සීතල පිනි බිදු තුශර හිමේ අද තනිවීලා ඈතින් පෙනෙනා බොද වූ සිතුවම මා ලය කුසුමේ පරවීලා පාලුව තනිකම සතර දිගින් විත් විකසිත කුසුමක් ගත වෙලුනා හැන්දැවක පිපි සමන් පොහොට්ටුව නටුවෙන් ගිලිහී බිම වැටුනා දෙලොවක් අතරේ සරන මගේ සිත නුබෙ රුව ලග විත් නතර වුනා ආපසු යන්නට පෙර එක මොහොතක් සුවද තියන්නද දෙතොල් නුරා ගොම්මන් අදුරේ සිසිල් සුලග වී නුබ මගෙ සවනට රහස් කියා ඇසිපිය සලනා එකම නිමේශෙන් නුබෙ හඩ දුර ඈතක රැදිලා පියවෙන දෙනුවන් නුරා මතින් දැන් සයනේ ගුලි වී ගිලන් වෙලා සුරගන වේශෙන් මා මැවු සිහිනය අද මට නොකියම දුරස් වෙලා ශශී
Prem14 Nath 4 years ago 96 5 5
ඔබ කොහේද කියන්න පරිගණක පිටු අතර ඔබ නැහැ පෙනෙන්න මගෙ පාළුව මකන්න E-මේල් එකක්වත් ඒවන්න...
තරිඳු හෂාන් 4 years ago 130 8 6
වෙනදා වගේම අදත් බලන් හිටියා ඔයා එයි කියලා.. හායි හලෝ බායි කියලා යයි කියලා.. ඒ‌ත් එහෙම වෙන්නෙ නැහැනේ.. ඒ‌කනෙ ඇ‌ත්ත.. මම මගෙ හිතේ තව කාටවත්ම වටිනා කමක් දීලා නෑ.. කාලය යනවා කියලා මට වගකුත් නෑ.. ඒ ප්‍රතිපත්තිය.. ආ‌දරය.. වටිනාකම ඒ ඔබට මගෙ හිතේ තියෙන අගය.. ඒ‌ත් ආ‌යෙ එන්නවත් හිතක් නැති කෙනෙක්නෙ ඔයා.. අහිතක් නෑ තුන් සිතකින්වත්.. රත්නත්තරේ පිහිටයි.. කියලා සිංදුවකුත් තියෙනවා නේ.. අපි ඒ‌ක අමුතු විදියට දැක්කට ඒ එයාගෙ හිතේ තියෙන ආ‌දරය නේද.. ආදරේ කරන අය මො‌නදේ කලත් වෛ‌රයක් හිතෙන් නෑ නේද? වාසනාවන්ත ආ‌දරණීය සියලු පැතුම් ඉටුවෙන්න කියලයි පතන්නේ නේද.. මගෙත් ආ‌යු ගෙන ඔයා ජීවත්වෙන්න දිගු කාලයක් වස්තූව.. කියලයි හිතන්නේ නේද?? ආ‌දරේදි සප්ප්රයිස් කරනවට කවුරුත් ආ‌සයි නේද?? ඒ‌ත් මට ඒ තරම් වත් කමක් නෑ.. ලො‌කූ සප්ප්රයිස් එකක් කරන්න.. කවදා හරි දවසක අහම්බෙන් හරි මෙහෙම පෝ‌ස්ට් එකක් ඇ‌හැ ගැහෙයි.. එදාට අඩුම ගානේ "පිස්සෙක්" කියලාවත් ඔයාට කියවෙයි.. කමක් නෑ ඒ‌කත් ඇ‌ති ඒ කමෙන්ට් එක මට වටිනවා ගො‌ඩාක්.. නෙගටිව් මයින්ඩ් හිතන නිසාම මහා ලො‌කු දුකක් නෑ හිතේ තව තව ශක්තිමත් වෙන්න පුලුවන් මට.. නිස්සාර හදවතක විරාමක්
ශශී❤️? 4 years ago 184 5 5
ඇවිද යන්නට තෙරක් නොපෙනෙන සසර මග හමුවේ ඇවිත් නුබ දුක තුරුල කරගෙන මගේ පන සම සේ මගේ හිමිකම මටම හිමි නැති විඩාබර ගමනේ ඉතින් නුබ ලග කෙලෙස ඉන්නද අයිති නැති සෙනෙහේ අදුර පිරි මුත් සදක් නැති මේ විසල් ආකාසේ තරුත් නොනිදා සද වඩින තුරු බලා ඉන්නා සේ සියුම් හැගුමක් කදුලු අස්සේ කොපුල් සිප රහසේ පැවසුවා මට එපා දුවනට මිරිගුවක් පස්සේ සීත පවනක් නුබේ වේශෙන් පැමිණ ගත දැවටී අසුරු සැනෙකින් හැන්ගුනා මේ නුවර කදු අස්සේ මිරිගු දිය ලග හඩා වැටෙනට නෙතට අවසර දී නික්ම යන්නම් අදුරු මතකෙන් සසර මග සමු දී ශශී
Prem14 Nath 4 years ago 122 7 4
ගුලි කරන් හිටි කවියක පද පේලි වල නොලියපු අකුරු අමුණයි නුඹ හිත ලඟින් නැවතී
ශශී❤️? 4 years ago 153 5 8
දහදිය කදුලු මිනි මුතු විය නුබෙ පෙමට... කරගැට පිපුනු අත් රලු විය විදි දුකට... රිදුමන් නොදී මා සැනසූ හදවතට... නුබ මගෙ තාත්තා වූයේ පෙර පිනට... ගොතනට එකින් එක පදවැල් නැත මැවුනේ... නුබේ ගුණ ගයන්නට ලෝකය මදි සිතුනේ... මහමෙර හිසින් අරගෙන නුබ දුර ආවේ... නුබෙ සෙනෙහසට උපමාවන් නැත ගෙතුනේ... දිවියම මගේ හැඩ කෙරුමට නුබ වෙහෙසී... දුක් කම්කටොලු වින්දා නොඅඩුව පේවී... දිනුමක් ලදොත් ජීවිතයේ මතු දිනෙදී... ඒ නුබ නිසාමයි පෙම්බර අප්පච්චි... ශශී
ශශී❤️? 4 years ago 192 4 6
සීත මිහිදුම් සලු එලා පබලු පිනි කැට වපුරලා නුබේ සිත දගකම් කරනවද මගේ නෙත් මත පැටලිලා සිහින තරු දෙස නෙත් යොමා හැගුම් සුසුමක දවටලා කොපුල් තලයට හාදු දෙන්නද ආදරෙන් තුරුලට වෙලා... සුලග මුමුනන පෙම් කතා මගේ දෙසවන රදවලා සිතින් නුබ මගෙ ලග ඉන්නවද හන්තාන සේ නොසැලිලා අදුර මැද මුලු රැය පුරා එලිය දෙන සද වගෙ ඔයා නුබ මගේදැයි මට කියනවද හෙමින් සවනට කොදුරලා... ශශී
Deesha(දීෂා)❤️ 4 years ago 160 7 7
ගසා පොළොවේ සළඹ පත්තිනි පඬිපුරම ගිනිබත් කළා... සොළී දේශයෙ කන්නගීලත් කෝවලන්ලට රැවටුනා... නෘත්‍ය රැජිණිය මාධවීලට කෝවලන්ලත් අහුවුණා... එ්ත් පුදුමයි පතිනි සළුවත් තුත්තිරී වල පැටලුණා... මධුසමය සත් මසක් වෙද්දී සත් දිනක් තව දික්වුණා.... නැටුම් මණ්ඩපයක් මතට වී මාධවීලත් විකිණුනා... ආලයේ දෙව් රුවද පත්තිනි ඇයත් ශෝකෙන් වැලපුණා... කාවේරි පටුනත් හඬයි අද එදා වෙණ නද සිහිවෙලා....
ශශී❤️? 4 years ago 163 5 6
සෙනෙහෙ සිත්තම් කරන නුබේ මන හැගුම් ලග... නොසැලෙනා මගේ හිත සසල විය මොහොතකට... දග කරන නුබේ ඇස් මගේ රුව ලග නිතර... සිපගන්න අවසරද සිහිනෙකින් මගෙ සොදුර... නුබ මගේ නොව හැගෙන අදුරු ඒ නිමේෂය... කල්පයක් සේ දැනෙයි කදුලු දෙන ඇස් වලට... හැන්ගෙන්න නුබේ ඔය සොදුරු හද විල් පතුල... කාටවත් නොහැගෙන්න පින් පුරමි හැමදාම... ආකහේ හැමදාම දිදුලනා සද ලගට... තරුවකට කෙලෙස නම් ලන් වෙන්න හැකිවේද... දුරින් හිද සැනසෙන්න මගේ දුප්පත් හිතට... අපේ ලස්සන මතක හැමදාම මට දෙන්න... බොලද මගෙ හදවතට හැම මොහොතෙ පෙම් කරපු... නිබදවම ආදරේ නොඅඩුවම පුද දුන්නු... මියෙන තුරු ආදරේ දලුලන්න පින් කරපු... මගේ පණ මගෙ වෙන්න මතු බවෙකදී නුදුරු... ශශී
Deesha(දීෂා)❤️ 4 years ago 182 5 6
ඝන පටි ඉරන මන්දාරම් දිය සෙවණේ හද තනි නිවන ගොම්මන් සීතල අරණේ නුඹ ළඟ තරම් හැන්දෑවක් නෑ පෙනුනේ මතකය එක්ක ඒකයි අඳුරෙම ගිලුනේ නිවනා භාවනාවක් හද විමන් මැද ගොතනා මල් දමක් සිතිවිලි පවුරෙ බැඳ සිහිවී සිනහවක් සත්කුළු පව්ව බිඳ වැටුනා කඳුළු වැස්සක් නුඹ දන්නවද ?????????
Deesha(දීෂා)❤️ 4 years ago 207 4 7
නිල් දිය ගොළුකරන අහසේ සඳ සේම තුරු වැල් නතර කරවන පියුමක ප්‍රේම හිඳ දැහැනේම සිත ඉවසුම් නැතුවාම නෙළුමක් පාට මැව්වා මඩ ගොහොරේම ????????
✍️Nilushi Nisansala✍️ 4 years ago 197 4 4
පිපී නොයෙක් කුසුමන් විහිදයි සුවඳ. ගණදුර මකා පායා අද පොසොන් සඳ. මොහදුර දුරලූ අපමහ බුදු සමිදු වැද. අනුබුදු මිහිදු මාහිමි වැඩ් දිනයි අද.
Copyright © 2021 Nisadas | Powered by Arvin Apps
