ශශී❤️? 4 years ago 136 5 7
නිල් අහස පුරා නුබේ රුව මවලා සිත සැනසුවා මන් හිමි නැතත් ආදරෙයිනේ කියා... නෙත් මානයේ නොමැති වුව සිත් මානයේ රැදීලා නෙතු පියවෙනා සැනින් දැහැනක්ය නුබ මා වසග වීලා... වෙන් වෙන්න බැරි අයිති නැති බැදීමේ පහසෙහි රැදෙමි පියමන් කල නොහැක මතකය හැර දමා... ශශී
Supuni Nilukala? 4 years ago 118 5 4
පෞද්ගලිකත්වය නොදත් සමහරක් නළු නිළියන්, ගායක ගායිකාවන් රූප පෙට්ටි තුළට විත් තමන් ගැන තතු සියල් වාචාලව දොඩවා, පසුව ඔවුහු කෑ ගසති කුමකටද උඹලට අපේ පවුලෙ දේවල්........... සමහරක් ප්රේක්ෂකයන් වචනයක් පිට වූ සැණින් කැමති නොවැ අවුස්සන්න ගඳ ගහන කුණු ගොඩවල්..... උන් උන් දත යුතුය ප්රශ්න නැති ගෙයක් නොමැත කිසි කලෙකත් අකුරු ගැළපූ මගෙත් ගෙදර හරියට ප්රශ්න නොවැ..... ????
Supuni Nilukala? 4 years ago 134 3 4
ඇතුළතින් පිපිරෙන පිටතින් නිවිච්ච මිනිසුන් පිරි සමාජයකි කොතැනත් බොරුව රජ කරවන... උපදෙස් දසත පැතුරුවත් නිතර දරන්නෙ ලුහුඩු මත නම් හිස් වචනෙකි අවකාශෙක....... වසාගෙන හිත ඇති කලු කරන්නෙ අහිතකින් නම් කුමකටද අඳින්නෙ ඔයතරමටම රෙදිපිළි සුදු...... කියන්නෙ මෙහෙම නම් කරන්නෙ එහෙම නම් කුමකටද එසේ නම් රඟන්නෙ නැති නාඩගම්...... හැමතැනම තරඟය දුවන්නෙ හැල්මෙ මඳක් නතර වී බලව තව දුරයි නුඹෙ නිවන...... මේ කුරිරු සමාජෙන් මිදෙන්නට හැකි ආගම් ද ගරා වැටෙමින් ඇත ඇස් පනාපිටම....... නැත තවත් අන් සරණක් නුඹට නුඹ පමණය අත්හැර රුදුරු නරක ජීවත් වෙයං හැකි පමණ හොඳට මාරයා නුඹෙ අතළඟ ය........... ආවදා මාරයා දමා රැස් කළ වස්තූ යන්නට වන්නෙ හිස් අතින් නොවෙදෝ...... භෞතිකව මෙන්ම මනසින් කළෙත් සිතුවෙත් හොඳ නම් නොවරදී කිසි කලෙකත් ලැබෙයි ඉන් එහි අනුසස්...... ????
Supuni Nilukala? 4 years ago 197 2 3
ඉරි තැලී ගිය ඉඩෝරයට වීය වැහි බිඳුවක් නුඹ මට, නුඹෙ වැහි සිසිල ලැබ තෙත් වීය කැකැරුණු හද බිම, කර්කෂ රෂ්මිය පහව ලැබුණු ආලෝකය සුමුදුව, ලද සුවය අපමණ නුපුරුදු වසන්තයකි සැණෙකින, ලියලා වැඩෙන දලු මෝරන්නට මත්තෙන් ලද වසන්තය නිමා විය, ඇයි නුඹ ගියේ මා අතහැර....... අතරමග දමා ගිය නුඹ තවත් එපා මට වසන්තය එපා දැන් ඉඩෝරය හුරු පුරුදුය. ????
Deesha(දීෂා)❤️ 4 years ago 145 3 6
වත්කම් ඉසුරු සැප සම්පත් සවියකට මුදලට යටයි ඒ හැම දේ දවසකට පිරිපුන් මනස සමවෙයි දිය කළයකට සොරකම් කළ හැකිද දැනුමක් අවියකට ??
Supuni Nilukala? 4 years ago 134 2 2
සිතුවිලි දැහැනක අතරමංව තනිවී හිඳින කල හද දොරටු විවර කර සෙමින් ඇසුවෙමි මම අකමැතිද ආලෙන් වෙලෙන්න තව එක් වතාවක්. ලබ් ඩබ් ලබ් ඩබ් ....................... මොහොතකට නතර වී හද එක් වී ඇය මොළකරු හා සමඟ පැවසූහ මට කිපී, කලින් කළ කැපුම් තවමත් මහන බව ????
Supuni Nilukala? 4 years ago 143 3 0
කොරෝනා නුඹත් හරි නරකයි අත් හෝදන්න පුරුදු කළාට වැඩක් නෑ පුලුවන් නම් හෝදපන් මිනිස් හිත්වල බැඳුණු මළකඩ බෝම...... ????
Kaveesha Lakmali 4 years ago 123 3 5
මුව වැස්ම තුළ සුසුම් සිරවී හැඟුම් ගුලි වී හද ගිලන් වී පුන්සඳක් වන් මුහුණ සිහිවී නුඹව නොම දැක හිදිනු බෑ සොඳුරී.. වරද දැන දැන ඉතින් මෙහි ආමී නුඹේ දසුනින් සුසුම් දිය කරමී ගතින් වෙන්වී සිතින් අප ළංවී නෙතින් මුමුණමු සුපෙම් පෙම් ගී නුඹේ නෙතු අග කදුළු රැන්දී සැනසෙන්න තහනම් තුරුල් වී නෙතින් හිනැහෙනු මැනවි සොඳුරී වසන්තය හෙට ඒවි හිනැහී... ? ~~KaVee~~
Kaveesha Lakmali 4 years ago 151 4 5
සිහින නුඹ නම් හරිම පුදුමයි රූ තිරය මත දකින ඔහුගේ පෙම් දැහැනට මා හොවන්නට තරම් නුඹ බොළදයි.. ඒත්, යටි හිතේ දළු ලන අහිමි බැව් දැන විඳින අහිංසක ප්රේමයට ප්රාණ දෙනු වස් මේ තුතිය නුඹටයි.. වැහි සීත මැදියමේ නුඹ මැවුව සිතුවමට තවම හිත ලෝබයි..❤️ ~~KaVee~~
✍️Nilushi Nisansala✍️ 4 years ago 182 4 2
ඉරාගෙන ගැබ මෙලොව දුටුවේ මවගේ පණ ටික නවතලා.... ඒ දුක වාවන් ඉන්නට බැරිතැන පියා මළේ නියගලා කාලා... කට කැඩුණු බස් ,දෙහි කපනවුන් එක්ක කැත්තකට පොලු වීලා.... අත්තම්මා රැකගත්තා නෙත් මෙන් ඇගේ කුසටවත් නොම කාලා.... කළක් ගෙවී ගිය ඉක්මන ඇස් අදහනූ බෑ ලස්සන ....... ගමේ දී කොලු කවට බසට නොවරැට් ඈ ගියේ ගස්සන.... රූ සිරියෙන් මත් වූ බඹරු මල්සර හී වැසි වස්සන..... උඩු යට්කුරු කර දිවියම වුණි විපතක් හද ගැස්සෙන..... ඇස අඳුරු කම නිසා පය නයෙකු කාලා.... අවසාන ගමන ගියේ මිණිබ්රි තනිව දාලා...... අනග රැගුමන් හමුවවේ නොමැත රැවටීලා...... සගවාන කඳුළු බිදු සැමට මෙහෙකම් කලා...... නිලට දිළි නෙතු අඳුරු වී අද උයල ම ලිප ගින්නේ... වැහැරී ගතමත නහර දිස්වේ ඉදලම කුසගින්නේ .......... සඳක් පැරදූ ළියක රූසිරි දැවිල ම ඉර ගින්නේ....... ලොවට හොරා මිලීන වුණේ ඇයි ද? කියාපන්නේ.........
✍️Nilushi Nisansala✍️ 4 years ago 282 5 4
තනිකම්න් සුසුම් ලෑ පොළෝ සන්තානය, ඇසිල්ලෙන් දුරුකළේ නුඹේ ආගමනය , යළිදු පණ ලැබ දිලෙන සොදුරු ගම්මානය, අහස් කුස ඉරාගෙන ඇවිත් වස්සානය...... සිදුණු වැව් ,ගං,පොකුණු , පුරවා අතොරක් නැති ලෙසින් ඉවතලනු බෑ දෙනෙන් , ඇද හැලෙන කදුරැළි දියෙන් එක්ව දන කිළිට් කළ මිහිමවුන් නහවා පෙම්න්, සයුර තෙක් දියකද ඇදෙයි රැගෙන දුර්ගුණ පාපයන් ......
Deesha(දීෂා)❤️ 4 years ago 159 7 9
පාළුව සුසුම්ලන තනි කළු අහසකට මතකය විඩාවක් විඳවන පොළොවකට සිතුවිලි එකට හිරකරගෙන බැරි කමට වැටුණා රිදුම් වැස්සක් තනිවුණු සිතට ???????
Copyright © 2021 Nisadas | Powered by Arvin Apps