හිතුවක්කාර හිත..❤

අහංකාර හිත,
අනේ දැන් වත් මං කියන දේ අහපන්,
උඹ මට අයිති නැති බව දැන දැනම මේ හිත හොයන්නේ උඹේ උණුහුම..
මගේ ජිවිතේට අහම්බෙන් හම්බුනු උඹ මෙච්චර ලස්සන මතක ගොඩක් දීලා යයි කියලා නිකමනට වත් හිතුනේ නෑ මැණික..
උඹේ සතුට එයා ලග නම් සමුදෙන්නම් නිහඩවම..
අයිති නොවුනත් මට හැමදාම ආදරෙයී උඹේ සුන්දර මතක වලට..❤





os@hi..

ශෙනු

යන්න බැරි වෙයි
හුගක් දුර...
ඒත් ගෙවෙන හැම තත්පරේකම
එකතු කරමු
මතක...
දවසක හිනා වෙවී

අඩන්න.....

යකඩ හිත

තැලෙන තැලෙන තරමට
මුවහත් වෙන යකඩයක්
හිතන් උන්න මං මගේ හිතත්
ඒ වගේම හැමදාම
හැමදේම නැතිවෙන දිහාව
බලාගෙන මටම හිනා උන මං
නුබ ගියපු පාර දිහාබලාන
උනු වෙලා දිය උන යකඩ හිත
සුසුම්ලන යුරු බලාන
තාම ඉන්නවා කොහොමහරි...

~නවියා~

තනිය

පරවෙලා මිහිදන් වෙලා උන්
හිත ඔහේ පරවෙන්න තිබුනා..
නිල්පාට කටරොලු මලෙක නිල
පිපුණු හිතකට දෙන්න තිබුනා..

තනිය හුරු මට මගේ ලෝකේ
තනිය තනි නොකරන්න තිබුනා ..
එදා ඔය ඇස් දිහා නොබලම
බිම බලාගෙන යන්න තිබුනා...

පැතුම

සිහිනයෙන් ඔබ එන්න
එපා තව දුර යන්න...
ජීවිතේ හැමදාම
ඔය ලෙසින් ළඟ ඉන්න...

දෙකොපුල් සිපගන්න
සුමුදු හාදුව වන්න...
නෙතින් ඉවතට ගියත්
හදෙහි රඳවා ගන්න...

නෙත්කොනේ කඳුළක්
කිසිදා නොමවන්න...
හැමදාම මගෙ මුවේ
සුමුදු හසරැලි වන්න...

හසරක් නොදුටු බිම
දියබිඳ ඔබ වන්න...
මා නොදුටු මගේ ලොව
හැමදාම ඔබ ගන්න...

දෙපා පැටලී ඔහේ
වැටෙන විට ජීවිතේ...
අත්වැල වී මගේ
හැමදාම ළඟ ඉන්න...

?? තරූ සමනළී ??

අහිමි හැගුම්.....

හිතන්න බැරි
දකින්න බැරි
විදින්න බැරි
බැදීම් හරි නපුරුයි..?
ලන්වෙන්න බැරි
දුර යන්න බැරි
නුබේ වෙන්න බැරි
සිතත් හරි අසරණයි..?
රැකගන්න බැරි
සැනසෙන්න බැරි
දරාගන්න බැරි
ආදරේට හරි ලෝබයි..?
නික්මෙන්න බැරි
හැරයන්න බැරි
ලග ඉන්න බැරි
නුබට මන් ආදරෙයි..❤
??❤️

ශශී

හිත❤

අනුන්ගේ හිත් කඩලා තමන්ට කවදාවත් සැනසීමක් නැ.

ඉතින්...

කලෙක පටන්
මම හීන දුටුවෙමි...
ජීවිතය ගැන
අනාගතය ගැන
එකී නොකී බොහෝ දේ ගැන...

අහඹුවකින්
හමු වූ නුඹ
හීන අතර සිටි මා
කැදවාගෙන ආ දුර
මෙතෙකැයි කිව නොහැක...

දැන් මම
දෙලොවක් අතර
දෝලනය වෙමි...
කලෙක නුඹ ඉල්ලා
ළදරුවෙකු සේ හැඩූ මම
මෙකල අවිශ්වාසයෙන් පැකිළෙමි...

තීරණයක් ගත නොහැකිව
මා තුළ ම
මම ජීවිතය සොයමි...
ප්‍රේමයත් අනුකම්පාවත් අතර
අමුතු ම හැගීමක
මා සිරවී ඇතැයි
මට ම සිතේ...

හෙටක් ගැන සිහින දකින්නට
මගේ හදවත
පැකිළෙන වාර අනන්තය...
හුදෙක් සතුට උදෙසාම
මේ බැදීමේ එක් හුයක්
මා අල්ලාගෙන ඇතැයි
මට සිතේ...

නමුදු නුඹ අතහැර
ඉවත බලන්නට හෝ
මා අත්හැර යන්නට
නුඹට ඉඩ දෙන්නට හෝ
නොහැකි පුදුමාකාර
ආත්මාර්ථකාමී හැගීමකින්
මම අදට ද පීඩා විඳිමි...

ප්‍රේමය වනාහි
හේතුවක් නැතිවම
හදවතින් බැදීම දැයි
මා මගෙන් ම
අනේක වාරයක් විමසා ඇත්තෙමි...

හෙටක් නැති අදක් තුළ
හීන නොපෙනෙන දිගු නිද්‍රාවක
මා තව තවත් ගිලෙමි...
අවදි වී බලන කල
දකින ලෝකය
කදුළු කතාවක් නොවේවා යි
යළි යළිත් පතමි...

සක්කර

හදවත් දෙකක් එකතුව
මිහිරි රසයක ගිලුනු ආදරය
දුරස් වන තරමටම හද පුරාවට
දැනුනු සියුම් වේදනාවේ මිහිරියාවත්
එක්වුනු ගතට දැනුනු පාලුව
වියැකෙනු පිණිස මතක පෙල
දෙතොල අතරින් ගියපු විස ටික
දැවෙනවා උගුර පහලටම
හුරුවුන අතට වීදුරුවෙන්
සියුමැලි ඔබෙ අත්ල පහසත්
වියැකිලා මගෙ අත්ල මතුපිටින්
ගිනි දැවුනු හද තුලින්
විදින දුක දැන් අමුතුම සැපක්
මගෙ ආදරෙත් දැන් හරියට
උනු කහට ටික පිච්චුව දිවට
සක්කර රසක් දැනුනා වගේමයි

~නවියා~

ප්‍රේමි දැක නොහී වියරු වන මගෙ පෙම් හදට ලියමි

සීතලයි පිනි දිය වැටෙයි
උනුහුමයි මතකය හඩයි
උගුරතින් එන හිරවුමයි
කාලෙ සිද සිද ලුහු බදියි

"දෑස් අඩවන්
සිරුර ගස්සන්
කොපුල් සිඹිමින්
රතට හරවන්"

රාග
සරාග
නොහදුනත්
මා ප්‍රේම සයුරේ කිමිදෙතත්
ශුගර රස මත් ඇවැසිවත්
රළුව වෙනතක් කිසිත් නොබලත්
බොලද ප්‍රේමිව තදින් සිපගත්
දොරටු සිද බිද යහන්ලත්
පිරිමි හද නුඹ ප්‍රාණලත්..

ප්‍රථම ප්‍රේමිය..

______රුහිරු බිඳෙහි ප්‍රාණය_______

නැගුණු වෙඩිහඬ ඉරා පපුතුර
රුහිරු බිඳු සැම කැලතෙමින්....
කිරුළු ගලවා සෙනෙහෙ හැරදා
සටනක්ය මව්බිම නමින්....
නුඹෙ ලෙයට හිමි ගැබක් කුසතුල
රැකේවා නුඹ දූ නමින්.....
දහස් වර ඈ අයදින්න ඇති
හිමිව රැකලා දෙන ලෙසින්.....!

තියුණු රුදු සැත් නොමැති සටනක
ගිනි අවිය ගෙන අත දරන්....
සිනිඳු සුදුවන් පිනැති නුඹෙ රුව
රළුව යනතුරු එක ලෙසින්....
සිත සවිය ගෙන ගත විරිය ගෙන
ඉදිරි මඟකට පා තියන්....
සිංහ රජිඳුණි, නුඹ ඇදෙන්නැති
සතුරු බල සැම පරදමින්.....!

නොදුටු සතුරකු විසින් ඇවිලූ
ගින්න ඇවිලී පැතිරෙමින්.....
උදුර ගත්තද දිවිය නුඹගේ
රුහිරු දෙරණත වගුරමින්....
සිහිනෙකින්වත් නැවත ලංවී
තුරුළු වන්නට සෙනෙහසින්....
වඩිනු මැන නුඹ මගේ දිවියට
පියාණෙනි සක් දෙව් ලෙසින්......!!!

??????????????????????

මව්බිම වෙනුවෙන් දිවිපිදූ සියලුම රණවිරුවන්ට සහ එදා සිට අද දක්වා මව්බිම සුරකින සියලුම රණවිරුවන්ට උපහාරයක්ම වේවා!!!!

මලක පෙති සියුමැලියි දෑගිලි තුඩින් දැනුනාම
ගගක දිය සිසිලසයි දිය පහස ලැබුවාම
ලොවක තතු මනහරයි ජීවිතය වින්දාම
ගත සිතම සනසවයි බුදු මගෙහි රැදුනාම

මම ,
නදි ..✍