කඳුළු

හිත පුරාවට නොහිතාම
සිතුවිලි මැවුනේ රහසේම
නිශා නීල ගගනත පාරන
තරුවක් වුණා සදාදර නුඹ මට...

හද මල මිලිනව හඩන
චංචල ඇසිදිසි හීනවල
යළි යළිත් නැවතී කුමට
හද පෑරී ගලයි කඳුළු නිතරම...

සන්තාප ලතැවුල් එමට
නිවුණු කල ආදරයේ පහන් සිල
මතක සිළු අවුලා යළිත්
පතන්නේ කඳුළු නොවෙද මම...

වහින්නට පෙරම වැහි අදුරට
හිත බයෙන් ගැහෙයි මතක මීදුම අසල
නෙත හුරු නමුත් දැන් මේ කඳුළට
හිත තවම හුරු නැහැ පාළුවට...

මහා වැස්සකට පසුව එන
සීතලම පාළු දවසකට
මතක එක්කම අහසේ පායන
පුංචිම පුංචි තාරකාවක් නුඹ...

වසන්තය මැරුණා වුණත් දවසක
හිතේ කහටක් නැහැ නුඹ ගැන
ආදරෙන් ළං කරන් නුඹව සනසන්න
මට හැකියි හැමදාම ජීවිතේ කඳුළු පිසින්න...

නෙතු අගින් වැටෙන කඳුළු කැට
වැටුණේම නිරන්තර නුඹ නමට
ආසයි මං වෙනුවෙන් වැටෙන
නුඹේ එකම එක කඳුළක් දකින්න...

ආදරේ හිත පතුලෙම පැළ වුණාම
දෝරෙ ගලන සෙනෙහසේ ගංගාව
හිත් යායම පිස දමාගෙන
නෙත් දෑලෙන් ගොඩ ගලන අපූරුවයි ආදරය...

මම,
චතූ

එකම විදියට හිතන
එකම විදියට දකින
එකම විදියට පතන
එකම විදියට ඇදෙන
ලොවක් වූවානම් මෙලොව....
අදුරු නෑ කිසිදාක.

සරසවිය මා සෙව්ව..?️

නොබිදුනු සිතක
සංකල්පනා එක්වූ
අනාගත පැතුමන් ගොන්න
පැතුමක්ම සේ සැගවිලා
බිදුණු සිතකට ඇරයුම් කරයි දෝ....

මලානික නෙතු අගින්
දුක් කදුලු ගලාවිත්
දෙකම්මුල් තෙමා
දෝරේ ගලා යයිදෝ.....

සරසවිය මා සෙව්ව
හිමි නැතිය අද එන්න
වැසුනි දෝ... ඒ විසල් දොර
ලබන වසරට අගුළු දා.......

මව්ගෙ හද මඩළ
පියතුමගෙ හද මඩළ
තුල රැදුනු මා නොදත්
සිහින මාලිග....
බිදුණු සොවින් තැවේදෝ.....

නොදනි මම තවම
මේ වේදනා නිවෙන දවස....

සහෝදරී ?❤️ ( සෙනූ )

උසස් පෙල පන්තියෙදි මට ඈ හමු වූයේ
මුල් දින වල හරිහැටි නොම සිනාසුනේ
බත් කන විටදීද ඈ තනියම කෑවේ
ඈ උඩගු යැයි මාගේ සිත මට කීවේ .... ?

එලෙස ටික කලක් ගතවුනේ
අපෙ පාසල් කාලේ.....
ටික කලකින් ඔබ මා හා මිතුරු වුනේ
මිතුදම අවසානේ සහෝදර බැදීමක් වූයේ......

සතුටේ නැතත් හැම දුකෙදීම මා ලග සිටියා
මව මෙන් ඔවදන් දී මා යහමග යැව්වා.....
නොදන්නා, දේ නොපැකිලව
මා හට ඉගැන්නුවා.......

ඔබගේ සෑම බලාපොරොත්තු ඉටුවී
සතුටු සිතින් ,
නිරෝගීව දිවිගෙවන්නට ලැබී....
දීර්ගායුශ ලැබේවා යැයි මා පතමි....?

?මිලා??️

____________මැණික අහගන්න__________

මැණික මේ අහගන්න කඳුළු පිසදා ගන්න
ඉහත කළ පාපයට විඳවන්නෙ මම තාම
ආසයි නැඟිටින්න පෙර වගේ
ඇවිඳින්න
දුව පැනපු අතීතය මතකයට එක් වේද?............

ලියන්නට කවි කතා පෙර වාගේ බැහැ තවත්
හිනැහෙන්න ලඟ ඉන්න මට තිබේවිද වරම්
සෙලවෙන්න නොහැක මට දෙනෙත් තෙමනවා දැනුත්
නුඹෙ සොඳුරු ආදරය හුසුම පොවනවා අදත් ............

ගත රැඳි වේදනා යටපත් කර ඉන්නම්
දැව්නත් සිරුර නුඹ ළඟ මා නොහඬන්නම්
නුඹෙ ඔය සිතට සැනසුම අරගෙන එන්නම්
අද හෙට නොවේ දිවියම පතිනිය වෙන්නම්........

?

ගෙවීමට නම් නිදැල්ලේ
සොයා යා යුතු තැනක් ඇත
පහස විදිනා විට
ගුලිවී ඔය තුරුල්ලේ
දැනෙයි සහනය
මා ජීවිතේටම
නමුත් රැය
වී සැනින් අලුයම
හැරදා යාමට
සැරසුනත් මා
ඔබට කම් නැත
නොසෙල්වී ඔබ
බලා සිටී මා දෙස
අතවනා පිටව යයි මා
නමුත්
තවත් රැයකදී
ඔබේ පහසෙම රැදී ඉන්නට
පියමනිමි සැදෑ කලුවරද රැගෙන
අදත් මා තනිය මකනා
සොදුරු තිප්පල තනිකඩය

ඒ මගේ කැදැල්ලයි

චාමි...

?

සැදෑ යම
ගෙවීමට නම් නිදැල්ලේ
සොයා යා යුතු තැනක් ඇත
පහස විදිනා විට
ගුලිවී ඔය තුරුල්ලේ
දැනෙයි සහනය
මා ජීවිතේටම
නමුත් රැය
වී සැනින් අලුයම
හැරදා යාමට
සැරසුනත් මා
ඔබට කම් නැත
නොසෙල්වී ඔබ
බලා සිටී මා දෙස
අතවනා පිටව යයි මා
නමුත්
තවත් රැයකදී
ඔබේ පහසෙම රැදී ඉන්නට
පියමනිමි සැදෑ කලුවරද රැගෙන
දෙව්ලියකි මා තනිය මකනා
සොදුරු තිත්පල තනිකඩය


ඒ මගේ කැදැල්ලයි


                            චාමි...

මනාලියකගේ සිතුවිල්ලක්

☬❤️⃟⃟◍̸̸̸̸̣̣̣❀ ?❤....☬❤️⃟⃟◍̸̸̸̸̣̣̣❀ ?....☬❤️⃟⃟◍̸̸̸̸̣̣̣❀ ?

මල් හීන පුරාවට
මැවුනේම නුඹේ වත
දන්නවද මහිමි නුඹ
මගෙ ලොවේ හිරු කිරණ...

වසන්තය නිමා වී
අනෙක දුක් ගැහැට මැද
ගිම්හාන සුළග යට
පවා සැනසුමයි නුඹ...

ජීවිතේ මුව දොරක
නෙත් පුරා සිහින ගෙන
මගෙ ලොවට වඩින තුරු
නොදත්තෙමි පෙම අරුම...

සොඳුරු හිතවත් සුළග
තරම් ආදර සුවඳ
ජීවිතේ පුරාවට
තැවරුවේ සොදුර නුඹ...

දිවි ගමනේ කෙලවරක
නෙතු පියෙන තුරාවට
නුඹේ දෑතේ වෙලී
රැදී එන්නම් දුරක...

අනෙක වේදනා මැද
නුඹ හඩා වැටෙන දා
කදුළු පිස නුඹේ මුව
හොවා ගන්නම් ළයට...

මා නෙතේ කදුළු කැට
නොපැතු නුඹෙ හිත් මලට
පිණි පොදක් වගේ මම
සිසිල දෙන්නම් සොඳුර...

ආදරේ පූජාව
නුඹ දෙපා මුල පුදා
සදා නුඹගේම වූ
පතිනියයි නුඹේ මම...

මම,
චතූ

☬❤️⃟⃟◍̸̸̸̸̣̣̣❀ ?❤....☬❤️⃟⃟◍̸̸̸̸̣̣̣❀ ?....☬❤️⃟⃟◍̸̸̸̸̣̣̣❀ ?

මස්සිනා වෙත,

දූගේ සතුට මවගේ සතුටම හින්දා
ඈ වෙනුවෙන් දියනිය ඔබ හට දුන්නා
අදින් පසුව ඔබ ඈ රැකගනී සිතා......

ඉපදුන දා පටන් මා සමගම සිටිය
අක්කන්ඩිය දැන් බාරයි ඔබට
පිය සෙනෙහස ඇය හට නොම උරුම
නමුදු ඔබ ඇය හට පියෙකුවන මෙන් අයදිමී මම ?.....



?මිලා??️

ආදරේ

හරි පුදුමයි ආදරේ....
කෙනෙකුට ගෙනෙයි සතුට...
ගෙනෙයි කෙනෙකුට ගින්න....

ආදරේ...... ගොඩක් වෙලාවට අදරේ ගින්දරක්. හැබැයි හරි කෙනා ආවාම ලෝකයේ තියෙන ලස්සනම හැගීමක්. ආදරේ කරන්ඩ හැමෝටම බෑ මොකද ආදරේ කියන්නේ දෙන්නට දෙන්නා තේරුම් ගැනීමක් අපි කොච්චර ආදරේ කරත් අපේ හැගීම් තේරුම් නොගෙන ඒ හැගීම් එක්ක සෙල්ලම් කරණ කෙනෙකුට ආදරය කිරීම අපි අපිවම රවට ගැනීමක්.

ආදරෙන් පැරදුණු කට්ටිය ඕනෙ තරම් ඇති චුට්ටක් හිතන්ඩ ඉවසීමෙන් ඉන්ඩ නැතිවුණු ආදරයත් අරගෙන තව කෙනෙක් ඔයාගෙ ජීවිතේට හිතාගන්ඩවත් බැරි සතුටක් අරගෙන එනවා.

12.

සීත කඳුකරයක
පොඩි බංගලාවක
ගිනිමැලය දල්වා
උණුහුම් පොරෝනාව
නුඹේ සියොලඟ දවටා...

නුඹ ඇහැරෙන්න පෙර
හෙමි හෙමින් අඩි තියලා
ඉතින් මම නික්ම යමි
ඇයට එන්නට
දොර අගුළු හැර දා...

?⃟⌘࿔⃝❤️

________༺═─⃝─⃟─⃟─⃟─⃟─⃟─⃟─⃝─═༻_________

නුඹට කියන්න දේවල් නම් මහිතේ එමට...
ඒත් අහන්න තරම් නුඹට වෙලාවක් තියෙනවද...?
හිතේ උපන් කදුළු හිතේම දිය කරගෙන...
අහිමි ප්‍රේමයක තවත් හොයන්නේ මොනවද මම...

ජීවිතේ පුරාවට හමුවුණු බොහෝ දෙනා අතර...
හිත නතර වුණේ නුඹ ළගයි කුළුදුලේ දිනෙක...
නුඹම ලියපු වසත් කවියේ අගට...
නැවතුමක් තියන්න ලෝබ හිතුනේ නැතිද...?

මම,
චතූ

________༺═─⃝─⃟─⃟─⃟─⃟─⃟─⃟─⃝─═༻_________