Nawodya Dissanayake 3 years ago 136 3 4
නොකියූ පෙමක් ඇත මා හද සිර වීලා...... පමා වැඩි අද ඔහු සැමියෙකු වීලා...... පිනක් නොමැත මා හද දැන් වැලපෙනවා... ලබන භවේ මගෙ වේවා පතමි මෙමා.....
චතුරංගි හර්ශිකා 3 years ago 153 3 6
දෙසැම්බරයේ හමන සීතල සුළඟ හිතට ගොඩ ගහගෙන ආ මතක කවිය කදුළු පිරවූ පොතක ලියනු වස් අදුරු මුල්ලක් සොයා යමි තනිව... ග්‍රීස්මයට හිරු ගිනි ගන්න දහවලට ගස් මල් පවා පිච්චී හඩන දහවලේ ගිනියමට සුව සදන සීතල අරන් ඇවිත් රෑ පුර හඳ... ජීවිතේ නෙක පැතුම් අතරේ හොයන මටත් අහිමි වූ පුදුමාකාර මම ගැන මමත් නොදන්නා කවියක් ලියමි මම මේ තමයි අවුරුද්දේ අවසාන මාසය... අපි අපෙන් වෙන් වී ගියපු මග අට මසක් පිරෙන හෙට දිනයට හිතුමතේ කතා කරන මගෙ හිතට මමත් කිව්වා හිටපන් ඔහොම ඉවසගෙන... ජීවිතේ හරි පුදුම කතාවක එක පිටුවක මටත් හිමි නොවූ කවක් ලිවුවා තනිව මම අදහන්නට නොහැකි තරමටම මේ මටම හැම පදයක්ම ලියා තිබුණේ මම ඇදට... එළිසමය හෝ පද ගැළපීමක් නැතිව අකුරෙන් අකුර මම වැරදියට ලිව්ව මගේ නෑඹුල් ප්‍රථම පුදුම කවිය හරි ගැඹුරට හිතේ නම් ලියැවිලා තවම... දුන්නු ගින්දරට පිච්චිලා ගියපු හිත යට අළු අතර හිනාවෙන සුදු පාට පිටු කෑලිවල අරුම ප්‍රේමයක් ලියැවී තිබුණු බව දන්නවද ඒ සෙල්ලක්කාර ආදරේට තවම ආදරෙයි මම... හීන විසිරුවා දමන සිතුවිලි සුළගත් එක්ක හැකි නම් මටත් පාවී දුරක් එන්න නුඹට රහසින් නුඹේ කුටිය අද්දර නැවතී සොරා ගනිමි මගෙන් උදුරා ගත් හදවත... මම, චතූ
චතුරංගි හර්ශිකා 3 years ago 188 3 9
ජීවිතේ මෙතෙක් ආ ගමනේ මතකය තනපු... හිත් යායම මිතුරු හිනාවෙන් හැඩ කරපු... ලස්සනම කවිකමක් වෙලා හිත නිවපු... සොඳුරු මිතුරුකම් තිබුණා අතීතයේ හිත සනසාපු... ඒ අතරේ, මතකත් එක්කම අකීකරු හිතට ගොඩ ගහපු... කවිකාර සිතුවිලි යළි යළිත් මරපු... සමහර කලු සුදු හීනත් තිබුණා හිත පුරවපු... අදටත් යළි යළිත් හිත මෙන්ම නෙතත් රිද්දපු... මම, චතූ
චතු ගුණසේකර ? 3 years ago 193 3 9
ඇලඩින් උනොත් මං පහන පිරිමැද වරුවක් ඉල්ලන්නෙ එක දෙයක් මං පලස මත නැගෙන්න මොහොතක්... °°°°°°°°° ඉර, බහින හෝරාව ලංව ගොස් අසමි මම එක දෙයක් ඔහුගෙන් මෙදා නත්තලට වත් නොලියමිද කවි පෙමක් ... -චතූ- 1/12/2020
ශශී❤️? 3 years ago 164 5 7
සීතල සුලග මගෙ දෙසවන් සිබිනකොට සුන්දර නිල් පලස මත පය රැදෙනකොට දසතින් ගලන මීදුම නෙත වෙලනකොට මුලු ගම සුරපුරක් ලෙස නිති දැනෙයි මට ඉපනැලි පෙමින් ඒ මේ අත වැනෙනකොට සියොතුන් පෙමින් පෙම් මදු ගී ගයනකොට ඇල දොල නිතර සිලි සිලි හඩ නගනකොට මගෙ මුලු ගමම සුන්දර යැයි හැගෙයි මට ඈතින් නැගෙන හිරු මල කදු සිබිනකොට අරුනලු කිරණ මගෙ මුලු ගත වෙලනකොට මානෙල් නෙලුම් හිරු එලියේ දිලෙනකොට ගම්මානයම සිරියාවෙන් උදම් විය ශශී
thanya priyadarshana 3 years ago 119 5 8
අවසන්ම දිනය අද, මා උඹට සින්න වෙන..., ඉතින් අපි වෙන්ව යමු, තවත් හෝරා කීපෙකින්, ඉනික්බිති අවසරයි.., නුඹේ මතකේ කිමිදෙන්න, ඈට නතුවෙන්න පෙර, උඹේ අන්තිම හුස්ම, මට දියන් විඳ ගන්න... දයාබර ඉල් මහ, උඳුවපේ මනාලිය, සැරසිලා කල් ඇතිව..... ....තාන්‍යා.... ----30/11/2020----
චතු ගුණසේකර ? 3 years ago 159 3 6
පාර කියන පහන් තාරුකාවෙන් එපා යන මග අහන්න..... දිළී නිවෙන නිවී දිලෙන එක මොහොතක් ඇති මෙතුවක් ආ මග වරදින්න..... ලා තණ අග කදුලැල් සලන පුංචි පිණි බිදුවෙන් මග අහන්න ...... තාමත් නොමැකී ගිය පියවර මතින් කියාවි ....? -චතූ-
චතුරංගි හර්ශිකා 3 years ago 159 5 6
°°° කවියක් °°° __________________________________________ නාවත් නිතර කවි පබදින්න ඉස්සර වගේ හැමදාමත් නෑවිත් බෑ කියවලා යන්න ලස්සන පබැඳුම් හිත සතුටින්... ආයෙත් නේන කවිවල ලිව්ව මතකය තාම නිදි වැරුවත් විරහව නිතර කවි කර ලියනු කුමටද තවත් මේ අයුරින්... කාලෙන් කාලෙ කදුලයි සුසුම හිත් මල තලා පොඩි කෙරුවත් මල් පදුරකට එක මල නෙවෙයි පිපුණේ ඉතිං හැමදාමත්... අද දුක මැදින් සුසුමන් හෙලන නෙතු පිය බොඳව හිත රිදුනත් හෙට එළිවේවි හීනත් එක්ක ජීවිතයේ තව දවසක්... මම, චතූ✍️ :-)
චතුරංගි හර්ශිකා 3 years ago 144 4 4
දනින් වැටී ගණ දෙවියන් අභියස... මම කියන්නට ගියා ඔබ යළිත් නේන බව... පැතුම් ගොන්නක් පතාගෙන වැසූ දෙනයන... අගින් වැටුණා කදුලක් මටත් නොදැනිම... පතිනි දෙවොලක හඩා වැලපී කුමට... කෝවලන් කන්නගිය හැර දමා ගියා නොවෙද... දේව පුරාණයක් නොවෙයි අපි ලියූ කතාව... නේන නුඹ ගැන දෙවි දේවතාවුන් කුමක් කරන්නද... කෝවිලේ නිරන්තර නෙත ගැටී හමුවුණ... ගණ දෙවියන් මිතුරු සිනහවකින් හිදී තව... කියන්නට හිතයි නුඹ ගැන මුළු කතාවම... අයිතියක් නෑ නුඹට මෙහෙම ඈතකට යන්න... මෙලෙස හඩා වැලපී දෙවියන් අභියස... නුඹ ම ඉල්ලා කුමකටදැයි හිතෙයි මට... පෙම් කළ කාලි අම්මාත් අතහැර... ස්කන්ධ දෙවියෝත් වෙනතක බැඳුනා නොවෙද... කෝවිලේ මිහිරි සීනු නද මැදින් එන... නේක සුවදින් හිත ඇදෙයි මතක විනිවිද... දෙවියන්ට නුඹ ගැන කියන්නට සිතා ආවමුත් මෙහෙට... කිසිවක් ම නොකියා නැවත ආපසු හැරුණෙමි මම... මම, චතූ
Madhusanka Prabhath 3 years ago 138 6 5
විටෙක වේදනාවක් විටෙක නිදහසක් තනිකම නම් අරැමයක් පැරනි මතක සිහියට එන.... තනිකමට පෙම් බදින සිත් අැතුලෙ බොහෝමයි දුක් සුසුම් කාටවත් නොපෙන්වන සංවේදි හදවතක් සැගවුනු තැනක්.. කිසිවෙකුත් නොදකින හුදෙකලාවත් කලාවක්....
චතු ගුණසේකර ? 3 years ago 162 3 7
පාට තැවරුණු ලෝකයක් මැවුන ... හීන පොදි බැද ප්‍රේමයන් සොයන... දුර දිගක් මග තොටක් තාම අපි නොහදුනන... මේ ගමනේ මං කැමතිම තනියම ඉන්න.... -චතූ-
චතු ගුණසේකර ? 3 years ago 156 3 5
නිසොල්මන් වූ ධ ර ණි ය මැව්නු ගගනතට ර හ සි න් අසම්මත ප්‍රේ ම ය ක් දවා ලූ හිත ය ට ගෝරනාඩුවක් ක ර මි න් යනෙ න පෙම්වතුන් දෙ ස හිත යට හූ ල් ල මි න් අවැසි බස් නො දො ඩා හිත් යට දරන ප්‍රේ ම ය මා හා සම කරන ඇයම, නොහැගුන මෙන් සි ටි න ගුප්ත ග ග න ත නුඹ ද කි යා ඉගියකින් මට ප ව ස න් න..... -චතූ- 27/11/2020 ?
Copyright © 2021 Nisadas | Powered by Arvin Apps
