චතුරංගි හර්ශිකා 2 years ago 381 6 5
තුමුල ගිරි හෙල් එකළු කරමින් පෑයු සඳවත ඒ නුඹයි අරුණ සනහන සොඳුරු රැස් ගෙන ලොවට වැඩි හිරු මල නුඹයි... නෙතග කඳුලක් වෙලා හෙමිහිට කඩා හැලෙනා පෙම නුඹයි වසර ගණනක එකම එක මග දුටුව දෙව් රුව ඒ නුඹයි... සෙනෙහෙ කැටිකොට වචන අතරේ පද බඳින්නට නොදන්නෙමි මම නැණස පාදනු රිසින් නුඹ කළ මහඟු මෙහෙවර වටියි සදහට... හද අරණ මත පිපුණු සුවඳැති මලක් සේ නුඹෙ මතක ගොනුකොට ඉදිරි දිවියට පතමි ආසිරි දහස් සිසු නෙත පුබුදුවන්නට... දිවියෙ හමුවන අනෙක ලතැවුල් නුඹෙන් ඈතට ඉගිලුනාවේ සතුට සැනසුම සිනහ පමණක් නුඹේ සිත ළඟ නැවතුනාවේ... දිනෙක දිවි මග කෙලවරක මුව සිනා පියුමක් සුපිපුණාවේ සදාදර ගුරු පියාණෙනි ඔබෙ සියලු පැතුමන් ඉටුවුණාවේ... චතූ ✍️
චතුරංගි හර්ශිකා 2 years ago 267 3 2
රැයක මැදියම අවුලුවාගෙන නුඹේ මතකය නොනැගිටින තුරු සිතක ඉහිරුණු අනෙක ලතැවුල් මහ පොළොව මත විසිරුවන තුරු පුරුදු මග තොට පුරුදු හිස්කම සදා තනියට ළග රැඳෙන තුරු මමත් මගෙ හදවතත් නුඹෙමයි ආයෙමත් නුඹ ඇවිත් යනතුරු පැතුම් අහසක් උසට එක් කොට දිනෙන් දින මම කල් මරන තුරු හදිස්සියකින් වැටුණු කඳුලක් රහසේම සඟවා ගන්න තුරු හිතේ ගැඹුරුම තැනක නුඹ ගැන තදින් ඇඳි රූ මැකී යන තුරු බලා ඉන්නම් හෙටත් පෙරසේ අපේ මතකය මියැදෙනා තුරු චතූ ✍️
Nimali Champika 2 years ago 178 1 1
ඉර බසින සැන්දෑවක එලිය දුටු නුඹේ දෑස දැකගන්නට උන්නු හැටි මතකෙට නැගෙනවා පිනි වැටෙන හිමිදිරියේ චූටි දුවගේ සිනා මුව දිස් උනම මගේ දිවිය සැනසුමෙන් පිරෙනවා සුරතලෙන් ආදරෙන දගකරනා ඔබේ වත නුඹයි රන් මිණි පහන මට එහෙම හිතෙනවා යෞවන ඒදෙස පා තබා පිය නගන හෙට දවස දහසකුත් ප්‍රාර්ථනා දුවේ මං පතනවා නිමලි.
Nimali Champika 2 years ago 155 1 0
නිලක්ශ මගේ පුතු මගෙම ලොකු පුතු අද වගෙ දිනකදි ඉපදුනු මගෙ පුතු මගෙ ලොවෙ සදු ඔබයි මගෙම රන් පුත දෙවු විමනෙන් ආ සුර කුමරෙකි නුබ නුබ මගෙ ප්‍රානයයි නුබ මගෙ ජිවයයි රටට හිත අති හොද දරුවෙකු වෙයි පුතු නිමලි
Nimali Champika 2 years ago 149 1 0
කුසට ආව ද සිට නුබ පරමි දම් පිරු ඇසල මහේ උදාසනක නුබ මා අත දැරූ කිරි සිනව සමගින් මුලු නිවසම පහන් කෙරු මේ කවි පද ලිව්වේ නුබටයි මගේ තරු නිමාලි
Pasindu Bimash 2 years ago 233 0 0
ඔයාට
Waruni Kanchana 2 years ago 234 1 1
කදුළු ඇස් වල පිරෙන තරමට අදුර ඉකි බිද හඩනවා සොදුරු සිහිනෙට සුසුම් සුවදට තාම මගේ හිත රිදෙනවා හිතට ලග නැති රත්තරන් ඇස් හීනෙනුත් මට පේනෙනවා චන්නකින්නර අසරණිය මම හඩනවා තව හඩනවා
Withanage DCS 2 years ago 225 1 1
සැළලිහිණි ගමන'තර මඳ නැවතුමෙහි දුටු එ ගඟ අසබඩ ලවැළි මත හිඳි නා මෙනෙවියන් මනහර මිණි වෙණ සුසර කළ නියගින අනන්තවු බුදු ගුණ ද ගයමින දැල්වූ සුවඳ කූරු දුමාරය විඳ දිලෙන තෙ‌ල් පහන් එළියෙ සොඳ සුරතෙ දැරු මල් ඈ පඬුරු පුද අනත වූ බුදුගුණ ගී පිරිත් හඬ ඇසෙත තැන තැන සරින සුමිහිරි දරා හිසමත දුක් කම්කටොලු බර දහසකුත් එක් සොයා යන පිළිතූර වෙහෙර බෝ මළු ද පැදකුණු කර එබූ සුවහසක් නිරාවරිත පා සටහන් මැකි මැකී යළි යළිදු පා සිඹ මතුවෙන නේක රූ රටා වැලිමළුව මත මවමින ඉපිද ,පැවත, නැසෙන දහම පවසන මුනිඳුනගෙ බස් නොම තකා ගෙන යැද සරණ හිරුසඳු ග්‍රහ මඬුලු දෙව්ගණ දහසක් පහන් එළි මැද වුව පහන් නොකෙරෙන අඳ දන මෝහාඳුරක මංමුලා ව වල්මත් වුණ නා රජුන් රජ කළ රජදහනක "අසිරිමත් යුගයක එළඹුම" කියා ගෙන ගඟ දෙබෑ කර ආ නා දූතයන් කොකා කෝලා බඳුනෙ සිරවිණ.
Withanage DCS 2 years ago 164 0 1
තවත් යශෝධරා පවතක් .. යශෝදරවන් කෙනෙක් විය මම සොඳුරු ඒ හරවත් නමින් දරුවෙකුත් මගෙ කුසට දී හිමි හැර ගියා ඉරණම වෙමින් දැරිවියක් හිමි මවක් ලෙස ඉමි තනි අතට දිවි බර ගමින් පුංචි ගෙයි ඉඳ උදවු දෙයි තව "හිමි අහිමි" මගෙ මවු තුමින් හැර දමා ගිය ම හිමි ගැන හෝ සිතලා නොවෙ මම මෙය කළේ වේල හැර තව වේල පිරි මහ ගත්තෙ මගෙ නැති බැරි වෙලේ මතට පෙම් කළ සලෙල පෙම්වත මගෙ සිහින සැම කුඩු කළේ පතා නොසිටිමි ගව්වෙ ගව්වට අව්වෙ රස් අඩු කිසි කලේ සඳ කිඳුරි වී නතුව බඹදත් රුදුරු රජ හී සර වැදී නොලදි වරමක් අග බිසෝ කමෙ මම් ම මගෙ කරුමය විඳී මතට හුරුවුන මගේ පියතුම මඳ වයස් විඳ දිවිය දී මගෙ අම්මත් මා ලෙසින් අද හිමියා නැති තනිකම විඳී විෂම වු නව තරුණ ලොව අද නපුරු මත් අඳුරෙහි වැදී මගෙ මිනිහ වගෙ කපට සලෙලූ පෙම් වතුන් තව ලොව හිඳී අධම මිනිසුන් ලබන්නට මටනොවෙත්වා යළි බවයෙදී දුකම හිමි තව යශෝධරයන් නොවේවා බිහි දිනකදී
නදී ..✍???? 2 years ago 232 2 1
පටන් ගන්න ,අලුත්ම තාලෙකට දුරුත්තේ පළමුදා අහස් ගව්වට එහා මවපු හීනෙකට විතරක් සීමාවූ ලියපු සටහන් පිටුව... පුටු රත් කරන් ටීවි එක ලග කරබාගෙන බලා උන්නු ගෙදර කවුරුත් එකතුවෙලා හැබැයි සතුටින්ම සමරාපු අප්‍රේල් 14දා අවුරුද්ද ... මාස ගානක් බලන් උන්නු අවුරුදු ගාණක මහන්සිය උ.පෙ ප්‍රතිපල දුන්නු වෙසක් මහ 4 වෙනි දවස... විතරක්ම ලියවෙච්ච හිස් බවක් පැතිරිච්ච වැඩ හුගක් පහුවෙච්ච හීන ගොඩක් මග හැරිච්ච 2021 අවුරුද්ද ... මේ හැම දේටම, නිහඩ සාක්කිය පිටු 362 ක් හිස්වෙච්ච 21 ඩයිරි පොත ...????????️ නදී ..✍️
shashi 2 years ago 255 1 1
දරා සිතුවිලි නිමා කරමින් ප්‍රේමයෙන් බැදි ඒ යුගේ පුරා සරමින් රැයේ සිහිනෙක සිතින් අත් හල අප සෙනේ සිතා අහිමිව දුර ගියත් නුබ සදා හිනැහී මතකයේ නුරා අවපස සදත් ගොලුවුනි දරනු බැරි තැන පෙම ළයේ... එදා සිත් බැදි මායාව කිම හදේ දොරටුව විවර වූ කදුල ගෙනවිත් මගෙන් සැගවූ සිනා කොතැනද නතර වූ ගෙනා සියපත ප්‍රේමයෙන් නුබ මිලින වී දස අත සෙවූ නිදා වැටුනිද නුබේ ගීතය අසම්මත තනුවක ගැයූ... ශෂී
සචී..... 2 years ago 219 2 2
නොදනිමි ඒ තැන නොදනිමි ඒ හෝරාව නොදනිමි ඒ දිනය නමුත් දනිමි ඒ හැගුම "ආදරයම" බව
Copyright © 2021 Nisadas | Powered by Arvin Apps
