Naween Perera 2 years ago 307 2 3
හැබෑ ලෝකෙන් ඈතට වෙලා හීන අතරම හිර වෙලා ඇත්තට හමු වෙන්නෙ නැති මට ඕන තරමට මවාගත්ත සතුටු හීන... ගිනි වතුරට දුමට බැදි තාවකාලික ලෝක හැමදාම බලන්නට යන විදින සුව ආසාව... නුබෙ හිතේ ගුලි වෙච්ච උණුහුමට සැතපිලා ලෝකෙම අමතක වෙන්න ලංව උන් දා මතක.. නුබට උවමනා උන මේ යකාගෙන් තොර ලෝකෙ නුබට හරි අහිංසකයෙක් එක්ක විදින්නට ඉඩ දී ඉන්න මාරුවෙන් මාරුවට මං හිත අරන් දුවනවා පිම්මෙ අර කිව්ව ඇබ්බැහි වලට... ~ නවියා ~
Naween Perera 2 years ago 382 3 8
සිරිතට දෑගිලි නොබැදුනත් නෙතට පින නැතිවුනත් දෙතැනක වුනත් සිත් දෙකක හරි සුන්දරම බැදීමක් ආදරය හැර නමක් නැති වුනත් එතැනට සෙනෙහසත් හිත පිරෙන්නට දෙතොල මතුරන උබේ නම නින්දටත් වෙනසක් නැතිව පහස නැතුවට හැබෑවට හීන ලස්සනයි උබ ඉන්න සුකුමල උබෙ පහස විදිමි සිහින ලෝකෙක කොහොමින් කොහොම උබ ඈතට වෙලා උන්නත් කමක් නෑ හිමි මටයි ඒ රෝස මල මෙ හිත ඇතුලෙ... ~ නවියා ~
Thisu 2 years ago 212 2 3
මදුවිතක අනන්තයක මං පෙම් කලා නොදැනෙන්න සීතල නුහුරු කැපුම් එක්ක මුහුද මැද අයිස් කුට්ටියක ඉඳන්... ටිකෙන් ටික පා වුණත් නැවතුනා එක තැනක හිතුවත් ගිලෙයි කියලා තාමත් එතනමයි කොමාවක්ද තිතක්ද කියල දන්නෙ නැතුව... තිසූ...✍????
Dilandilan dias 2 years ago 183 3 1
කවිකාර සිත් තුළින් කුරුටු ගෑ සිතුවිලි ගීපද, පෙම් පණිවිඩ තනිවූ හිත් වලට සුව දෙන ඔසුවක් වුනත් ❤️ පන්හිද දනියි කවිකාර සිතේ තියෙන සෝ දුක් හා ගින්දර ඔවුන් මතුපිටට නොපෙන්වා සිතේ තියෙන දුක් හැංගි ඇළු යට ඇති ගිනි පුපුරු මෙන් දැවී සමාජයේ සිත් සතන් නලවන්නාවූ, සනසන්නාවූ ඔවුන් නම් දුක්බර කවියන්ය
Naween Perera 2 years ago 247 0 2
දුටුවොතින් නුබේ රුව මගෙ නෙත් පුරාම හදවත පිරෙන සතුටු සිතුවිලි එකල මගෙ හිතට හැමදාම එහෙම දැනුනාට එහෙමත් සතුට උබ හට නිකමටවත් දැනුනේ නැතිද... මගෙ දෑස හැමදා උබවම ඉල්ලුවාට තනි හිතකට තිබුන උවමනාවට පෙර මං පැමිණ ආපසු යන වෙලාවට වගේ වගක් වත් නිකමටවත් උබහට තිබුනාවද... දෙතැනක තිබුනු අපි දෙන්නාගේ සතුට මගෙ සතුටු හිත එක්කම උබේ හිත කොතනක කොහෙට කියලා සමපාතයි කියන්නද... බහට මගෙ වටිනාකම දිග හැරිය ඒ බහටම ආදරෙ පදවැල් ගෙතුව ඇත්තට උබට මාවත් මේ හිත වත් ගැඹුරින් බැලුවාම නිකමටවත් ඇල්ලුවෙ නැහැනේද... උබෙ මානයෙ ඉදන් ඔය හිතේ ඇදි රූප මගේ විදිය ඒකට කිසිවිට සරි නොවුන අහිංසක පෙමක් පැතුව නුබ එක්ක මුදු උන මේ යකඩ හිත නිකමටවත් පෑහුනෙ නැතිද... දුක සතුට වෙන වෙන තැන්වල ආදරේ කියන්නෙම මේ හැමදේම එක්තැනට සරි වන එකම නොව මධ්‍යස්ථය මත පිහිටා සාපේක්ෂයි හැමදේම නුබ ඉන්න තැන ඉදලා ගලපාගෙන ඉන්න දැන්වත් ඔය හිත දැන් නැවතුන තැන ඉදලා... ~නවියා~
නදී ..✍???? 2 years ago 271 5 3
හීනයට පණ දෙන්න දුවන විට හෙම්බත්ව සයන ඇතිරිලි සිනා හඩ සවන් වැකුනාට නෑසුනා සේ ඉන්න ඇහැකියිද මට ඉතිම්, තොටුපළත් පෙනෙන නොපෙනෙනා මානයක මගේ ළඟ නැංගුරම්ලාපු කරුම ථීනමිද්දය උඹ නිසා .... (කරුම නිදිමත)????☹️ මම නදී ..✍️
චතුරංගි හර්ශිකා 2 years ago 414 12 9
වැටුණු - අසෙනිය මහා වැස්සක තෙත වැදී හදවත පිරී... දැනුණු - තැන්වල තිබුණු ලස්සන සොඳුරු පන්හිඳ වෙත හැරී...!! දරුණු - ගිම්හානයක් අවසන නිලන කෙම්බිම මත එරී... මැරුණු - ගස්වල මුදුන් අතුවල පිපෙන මල් සඟවනු බැරී...!! චතූ ✍️
Withanage DCS 2 years ago 222 1 0
නිදිබර වෙලා මා හිඳි කල. යහන පිට සුන්දර දෙවඟනක වත සිඹ දෙමිනි තුට රසබර කතා තෙපළිය මා දෙසවනට සිරිබර පහස දිත හසයුග පැන දොරට නිදිදෙව්දුව පලා ගියෙ සිය ඇඳුම් සලා මදි මට සුවය නිදිගැට හැර සෙවුමි බලා රිදි සිත් මතින් දෙවඟන ගොස් පියාසලා රැඳි හද සොඳුරු ම'පියඹ ඇත තුරුලුවෙලා
Shalki Sasangika 2 years ago 224 0 0
ප්‍රේමය නම් කුමක්දැයි හැදින ගත්තේ මා නුඹගෙනි. ප්‍රේමය ට බියගුලු වු මම දවසින් දවස සිතටත් හොරා නුඹ ට ප්‍රේම කරන්නට ගත්තේ මි. හදවත ට නුපුරුදු වු නුඹගේ ඒ සොදුරු ප්‍රේමණිය වදන් හදවතේ සියුම් තැන් ස්පර්ශ කරන්න ට වුණි. නුඹ දැන් වෙන හිතකගේ වුව ද මා තවමත් නුඹගේ ම ය . ඉතින් සොදුර, අදත් හෙටත් මතුවටත් නුඹ ' යි මගේ " ප්‍රථම ප්‍රේමය " .❤️❤️ සසංගි
Naween Perera 2 years ago 354 2 4
නොදැනීම හදවතට ලංවුන දවස දෙක හිමිහිට දොඩමලු වුන එලිවෙන ජාමෙටම දිග ඇදුන හරි අමුතු කතාවක් හිත හීනියට රිද්දන... මුලදීම තිබුන ලෙන්ගතුකම දවසට දෙකට හේදිලා ගිය ඉක්මන.. දින සති හැල්මේ ගෙවුනද තාමත් එදා ටික ටික ඇදුන සුපුරුදුම ලෙන්ගතුකම කැටිවෙලා හද පුරාම... කමක් නෑ හිතේ හැටි ඒක නොලැබෙනා වුනත් හිතට තාම ඒ හිතුවිල්ලේම දෙහදක් ගලපන්නට නම් පිනක් නම් නෑ වගෙ මගහැර ඉන්න ඔබ දෙස උපේක්ෂා පිරි නෙතින් ඔබේ ලෝකය විදිනු හැර මගේ හුදකලාව මා තනිව විදින්නම්... ~නවියා~
චතුරංගි හර්ශිකා 2 years ago 449 4 2
සැඳෑ අහසට අඳුර අරගෙන හදිස්සියෙ ඉර මුවා උනහම අමාවක හිස් අහස මැද්දේ සඳේ සේයාවකුත් නොවුනම හදිස්සියකින් කඩා වැටෙනා තාරුකාවක් දෙකක් දැක්කම අදත් ගැස්සෙන හිතක් ඇත මට රිදුම් දෙන මතකයක් එක්කම... රතුම රතු දිග වලාකුළු ඇති හවස අහසක් පුරා පැතිරුන දුකම දුක නිශ්චලම දවසක හුදෙකලා හිත පුරා නැවතුන අනවසරයෙන් හිතට ගොඩ වී හිතේ ගැඹුරුම තැන් හොයාගෙන කඩා වැටෙනා තරුවක්ද නුඹ එකම කවියක් ලියා මියැදුන... දුරුත්තේ හීතලම හවසක අහසෙ රහසේ පාවෙලා එන රිදුම් සීරුම් කඳුලු එක්කම මතක හසරැල් නිවා දල්වන මැකුණු පා සටහන් පිරුණු බිම අපේ මතකය සොයාගෙන යන බිඳෙන බව දැන බැඳුනු තැන්වල තිබුණේම හරි අමුතු ලස්සන... චතූ
චතුරංගි හර්ශිකා 2 years ago 307 4 1
නෙතු නොදුටු නමුත් අපි දුරක වුනත් එක රිදී සඳක් පායලා හිතේ කොහෙ කොතැන වුනත් සඳ කාගෙ වුනත් හිත් අහසම සඳ වෙත බඳියි සෙනේ... මහ කඳුහෙල් සිප හිරු රැස් වැටුණත් හිරු නතර වුනේ නැහැ ගිරි අරණේ කිම තැවෙනු ඉතින් යා යුතුය දුරක් හසරැල්ලෙන් වෙන්වෙමු නුදුරු මහේ... චතූ ✍️
Copyright © 2021 Nisadas | Powered by Arvin Apps
