සිතන්නට යමක්?

ඇතුළතින් පිපිරෙන
පිටතින් නිවිච්ච
මිනිසුන් පිරි සමාජයකි
කොතැනත් බොරුව රජ කරවන...
උපදෙස් දසත
පැතුරුවත් නිතර
දරන්නෙ ලුහුඩු මත නම්
හිස් වචනෙකි අවකාශෙක.......
වසාගෙන හිත ඇති කලු
කරන්නෙ අහිතකින් නම්
කුමකටද අඳින්නෙ
ඔයතරමටම රෙදිපිළි සුදු......
කියන්නෙ මෙහෙම නම්
කරන්නෙ එහෙම නම්
කුමකටද එසේ නම්
රඟන්නෙ නැති නාඩගම්......
හැමතැනම තරඟය
දුවන්නෙ හැල්මෙ
මඳක් නතර වී බලව
තව දුරයි නුඹෙ නිවන......
මේ කුරිරු සමාජෙන්
මිදෙන්නට හැකි ආගම් ද
ගරා වැටෙමින් ඇත
ඇස් පනාපිටම.......
නැත තවත් අන් සරණක්
නුඹට නුඹ පමණය
අත්හැර රුදුරු නරක
ජීවත් වෙයං හැකි පමණ හොඳට
මාරයා නුඹෙ අතළඟ ය...........
ආවදා මාරයා
දමා රැස් කළ වස්තූ
යන්නට වන්නෙ
හිස් අතින් නොවෙදෝ......
භෞතිකව මෙන්ම මනසින්
කළෙත් සිතුවෙත් හොඳ නම්
නොවරදී කිසි කලෙකත්
ලැබෙයි ඉන් එහි අනුසස්......


????