චතුරංගි හර්ශිකා 4 years ago 162 4 2
දින පොතක් ලියන්නට කලක් ඉහතදි මමත් මුල් ගලක් හෙම තබා හරි ජයට සැරසුණා... දින එකින් එක ගෙවී මගෙ පොතේ පිටු පුරා කවි කතා වදන් වැල් සිය ගණන් ලියැවුණා... දින පොතෙන් බාගයක් ඉවර වූ මොහොතකදී ලියූ සටහන් නැවත කියවන්න මම ගියා... හැම පිටුවක ම නුඹත් නුඹෙ අදුරු මතකයත් බොද අකුරු ගොඩක් මැද දින පොතෙන් හමුවුණා... අන්තිමේදී මමත් දින පොතක් නොලියා ම ඒ පෙගුණු කදුළු පොත උඹ නමින් නම් කළා... - චතූ
චතුරංගි හර්ශිකා 4 years ago 141 1 0
පහළ ඇළ එක රෑක වෙනදාට වඩා හඩ ගීතයක් ගයාගෙන ගම මැදින් දිව ගියා... ගන මැදියමේ රෑක මේ ගීය අහන්නට පිණි පොකුරු මැදින් මම වෙල අයිනටම ගියා... හරි අපූරුයි රෑම මහ වැස්ස පායලා තණ පදුරු වැහි වතුර උරාගෙන දිළිසුනා... මහ පුදුමයක් මේක පෝය පුරහඳ තැටිය අපේ ඇල තුළ වැටී බබළමින් කිමිදුණා... මහ රෑට සුරගනන් හඳ අලවලා ගියත් වැහි වතුර මුළු රෑම අහස තෙත් කළ නිසා... සද වැටෙන්නැති ඇළට පහුවදා ගගනතට සුරගනන් හොරෙන් විත් නව සදක් එල්ලලා... - චතූ
චතුරංගි හර්ශිකා 4 years ago 234 2 2
රතුපාට අහසකට ඉර ඇන්දෙ ඇයි මැදක... ඇයි නොහැකි වලාකුළු බලන්නට වෙනස් ලෙස... රතු අහස ගගක් නම් ගිනිගන්න සුළු නිතර... වලාකුළු පාලමකි එතෙර වන්නට තැනුව... ඉර නොවෙද ගිනිගන්න රතු ගගක දිය සුළිය... හෙට හවස මෙහි එන්න නරඹන්න මේ වෙනස... - චතූ
චතුරංගි හර්ශිකා 4 years ago 149 3 3
පරණ පුස්කොළ හරි මිලයි අද ඒවා පරණම දේ නිසා... ඒත් පරණම මතක ඔක්කොම රිදෙන රිදවන දේ නිසා... වැළලුවෙමි මම කැපූ වල තුළ නැවත දැක්මත් දුක නිසා... හීන අස්සෙම මැරිල පලයං නුඹ කිව්ව සුරගන කතා... - චතූ
චතුරංගි හර්ශිකා 4 years ago 157 2 1
මහ දෙණියෙ වැව අයිනෙ ඉර තදට පායලා දවසකට පෙරවදන මල් කැකුළු මත තියා... හිරු එළිය ප්රේමයෙන් පිණි පොකුරු ගෙන ගියා අහස් ගව්වෙන් එහා රෑ අහස මිය ගියා... ගුරු පාර ළග ඉද්ද මල් අතර සැගවිලා පුංචි කටරොළු මලක් හොරෙන් එබිකම් කලා... - චතූ
චතුරංගි හර්ශිකා 4 years ago 146 2 2
නොහඩා බැරි කමට ඊයෙත් නෙත් තෙමුවා.. බැරි තැන හිතේ මුල්ලක උඹ හිර කෙරුවා... මතකයේ මකුළු දැල් ගොඩකින් හිත වැහුවා... එනමුත් අද උදෙත් උඹ යළි ගොඩ ආවා... - චතූ
චතුරංගි හර්ශිකා 4 years ago 159 2 2
ගගනතේ ලස්සනට හද ඇදුණි සුදු පාට... රෑ වළාකුළු එක්ක තරු දොඩන්නේ මන්ද... අපි නොදත් නමුත් රෑ ගගනතේ රැඳි රහස... හද නිසංසල රැයක කිව්වාලු හාවාට... හඳ කියන්නට ඇත්තේ රස කතාවක් ඌට... අපෙ කතාවත් ලිව්වනම් අහසේ මහ රෑට... සඳවතේ තනි රකින අහිංසක හාවාට... ළය පැලී මියැදෙන්න හේතුවක් වෙයි ඒක... - චතූ
චතුරංගි හර්ශිකා 4 years ago 165 2 2
කොල පාට සායමින් පින්සලය පොගවලා පින්තාරුවට හෙමින් කැන්වසය ළං කලා... මටත් නොකියාම ගොස් මගෙ මනස තටු සලා මළ හිරුගෙ සිතුවමක් මගෙ හිතට ළං කලා... පින්තාරුවට මෙදා කොල පාට පොගවලා ගත්තු තෙලි තුඩ මදෙස ඇත අසරණව බලා... මළ ඉරක් අඳින්නට කොළ පාට තවරලා බැහැ නේද උමතුයි ද? කැන්වසය විමසුවා... මදහසින් තෙලි තුඩග කැන්වසය මත තියා මළ අහස පුරාවට කොල පාට තැවරුවා... කොල පාට අවරගිර මැදින් හෙමිහිට බලා මළ ඉරත් මදහසින් මගෙ නෙතට ඉගි කළා... - චතූ
ශශී❤️? 4 years ago 155 2 4
හීන පොදි බැදි ජීවිතය ලග මහමෙරක් දුක තිබුනි නොඅඩුව එකින් එක පද ගොතන්නට අද අවැසි පද පෙල දුකම උනි මට හිතින් විඳවන සියක් හිත් ලග නෙතින් වැලපෙන දහක් නෙත් මැද ජීවිතේ ළඟ හීන මියදෙන සසර ගමනෙහි කෙලවරක් නැත ශශී
චතුරංගි හර්ශිකා 4 years ago 177 4 4
මම ආසම වුණ මායාවක් සුදු පාට... හැම හීනයකම මම පාට කරා සුදු පාට... සුදු පාට හීන මලානිකව මියැදුනු දාට... සද පහන් රැයක මම දැක්කා ඒ සුදු පාට... ගගනතේ කොණක හරි තදට ඇදපු සුදු පාට... ඒ රවුම් සදට උරුම වුණෙත් සුදු පාට... මගෙ හීන මැරුණු ශීතල හිම මැද රෑක... මිහිදන් හීන මත රැදුනු මලත් ඒ සුදු පාට... හරි දුක්බර තැන් හැඩ කළේ ම සුදු පාට... නිහඩ ම හිත් පිරෙව්වේම සුදු පාට... පින්බර හැම මොහොතකදිම හැම දේම... හරි ලස්සන සුදු හැඩ කරා ලු හැමදාම... මගෙ මතක සොහොන මත ඊයේ මැද රෑක... මම දැල්වූවෙමි ඉටි පහනක් සුදු පාට... මම මේ මොහොතේ රැදී ඉදිමි දහවලක... දිග වළාකුලක් මම දුටුවා සුදු පාට... - චතූ
චතුරංගි හර්ශිකා 4 years ago 123 4 3
සිනා පොද වුණා හද ගැඹුර තුළ නිදන් වූ... රාත්රිය වුණා නුඹ මතක පොත මත සැරූ... කාලයත් අරන් ගිය මගෙ හිතට ගතු කියූ... බදු අරන් හිත් කොණක් නැවතුණේ ඇයි මතූ... - චතූ
චතුරංගි හර්ශිකා 4 years ago 145 4 2
රෑ මැදියම හීන අහුරු දුර ගගනත පා කරන්න... ජීවිතයේ සුවඳ පිරුණු පියාපතක් සේ රැදෙන්න... හීන වලට පාට පොවා සිහින දකින නෙත් තෙමන්න... දෛවය නුඹ නපුරු මන්ද හිනැහෙන හිත පාරවන්න... - චතූ
Copyright © 2021 Nisadas | Powered by Arvin Apps