Latest Writings



Ranatunge Jayawardene 6 days ago 22 0 0

Nisadas Image

සිහිකිරීමයි !

හීන රැසක් මත මම මැදි කරලා
තියෙන තියෙන දේ වියදම් කරලා
ඔබ නොදුටුව ලොව මට යා කරලා
නිදනව ඔබ මෙහි මම තනි කරලා
*
ඔබ ගේ බඩගිනි, මට දැනිලා නෑ
ඔබ විඳි කරදර මට දීලා නෑ
සෙනෙහස රැකවල අඩුවක් කර නෑ
වන්දි ගෙවන්නට මා ළඟ ඔබ නෑ ..
*
අසරණ වූ අය මට හමුවෙනවා
ඒ දුක් බැල්මට හිත උණු වෙනවා
ඇවැසි පිහිට මම නොඅඩුව දෙනවා
ඉන් උපයන පින ඔබට එවනවා ..
*
දවසේ අවසන ඔබ සිහි කරලා
මෙත් සිත වඩවා දසතම පතුරා
කුළුණු ගුණෙන් පිරි ඔබෙ ගුණ කියලා
පතනව මොක්සුව හැම සත නිවනා !
---------------------------------------------------
රනේ /09ඔක්2024/සිහිකිරීමයි !

Ranatunge Jayawardene 1 week ago 19 0 0

Nisadas Image

ධර්මතා

" මොලේ ඇති, මා මිතුරු;
මං ඉන්න ශරීරය
ඔබට මේ කියන්නේ
ඔබෙන් 'මම' අහන්නේ.. "
*
ඔබ මාව ගෙනයන්නෙ
කොයිබට ද? ඇත්තෙන්ම
හැමදේම පිළිවෙලට
තමයි මං කරන්නේ
දැනගන්න ඕන මට
කොහොම ඒ හිතන්නේ
'දෙවියන්ද' කියන්නේ
කවුද ඒ කරන්නේ ?
*
වැඩි මනත් දන්නෙ නෑ
ඉපදුනා ලොකුවුනා
ලෙඩ වුනා හොඳ වුනා
හිනැහුනා දුක් වුනා
මං නිකං 'මම' වුනා..
*
හරිම හරි ලෝකයක්
සැලැසුමක් දන්නෙ නෑ..
වෙනස තේරෙන්නෙ නෑ
ඉපදෙනා ලොකුවෙනා
ඔබ දකින 'මම' වෙනා..
මම මුකුත් කලෙත් නෑ
ඔබ මුකුත් කළා දැයි
මටම වැටහෙන්නෙ නෑ..
*
පොඩි උන්ද ලොකු වුනේ
ලොකු උන්ද වියපත්ව,
මිය ගොහින් ඉපදුනේ ..
කවුද මේ කරන්නේ
කොහොම මේ දකින්නේ
***
" ජීවිතය පැලකරන්
ජීවිතේ ගොඩනගන
'ජීවිතේ' සාරයෙන්,
ගමන් යන, සැරිසරන ..
දේහයක් අරක් ගෙන,
කාලයක් ගත කරන ..
සාර ගුණ රැස් කරන
එයම වියදම් කරන
එයම තැන්පත් කරන්
සංසාර ගමන යන !
මේ සසර පුරාවට
ඔබ එක්ක සැරිසරන
'ධර්මතා' මගේ නම
ඔබ ළඟම ගොඩ නැගෙන"
-------------------------------------------
රනේ/02ඔක්2024/ධර්මතා

Ranatunge Jayawardene 2 weeks ago 30 0 0

Nisadas Image

සොහොයුරා

ඔබව මට ඒ සොහොයුරාමයි
රතට මල්පෙති හැලී තිබුනත්
පයට පෑගී ඉරී තිබුනත්
ප්‍රභාවත් වන අපේ පෙරමග
සොහොයුරා මම ඔබ ළඟින්මයි
තවම අතහැර නොගත් පණ වන්
*
අවධි කල මා උදයෙන්
ඉරත් නිදිගත් ලොවකින්
කපා මීදුම කිරණින්
එළිය සේ ඔබ ඇවිදින් .!
*
ගමන් කර එන එක මඟ
හිතෙන් අල්ලන් හයියෙන්
හුස්මක් දුරින් හිටියත්
බරද පියවර? නොඅසම්
*
සොහොයුරා ඔබ වූවයි
තවම අතහැර නොගත් පණ වන්
හිතෙන් අල්ලන් හයියට
ගමන් කර එන එකට එක මඟ !
--------------------------------------------------
රනේ/29සැප්2024/සොහොයුරා



Top Writers



චතුරංගි හර්ශිකා Nisadas Count (437)

Deesha(දීෂා)❤️ Nisadas Count (73)

Ranatunge Jayawardene Nisadas Count (70)

Dila ???? Nisadas Count (68)

ශශී❤️? Nisadas Count (57)

නදී ..✍???? Nisadas Count (51)

✍️Nilushi Nisansala✍️ Nisadas Count (49)

Sandu U Nanayakkara Nisadas Count (41)

තූර්යා ඉඳුවරී Nisadas Count (39)

Naween Perera Nisadas Count (38)

Vosandi Dissanayake Nisadas Count (34)

Rasika Maduwanthi Nisadas Count (34)





Copyright © 2021 Nisadas | Powered by Arvin Apps