නික්ම යාම

මේ වෙරළ ඉමේ මම
මගෙ මතක ගොඩගසා

ආදරේ අයැදියා
මතකයිද පෙර එදා

මගේ පසුපස හඹා
මගේ හිත ඉල්ලලා

හිත අරන් ඈතටම
මගෙන් වෙන්වී ගියා

මේ සැඳෑවේ මමත්
තනිව මෙහි ආ නිසා

අපේ මතකය තවම
හිත පතුලෙ දග කළා

මේ වැල්ල පුරාවට
දෑත් පටලා එදා

ඇවිද ගිය අපේ පා
සටහනුත් බොද වෙලා

මේ බිමේ අපේ පා
සටහන් මකා දමා

රැල්ල වේගෙන් ඇවිත්
වැල්ල පිස දා ගියා

මගෙ හිතේ ඇති මතක
කදුළු කැට පිස දමා

රළු මුහුදු රළ නුඹට
ආ හැකිද හිත කරා

අපි ආදරේ වින්ද
මේ වෙරළ හැර දමා

යළි නේන්නටම යමි
මේ කදුළු මට එපා

තවත් නම් මට නුඹත්
නුඹෙ මතකයත් එපා...

- චතූ