Ranatunge Jayawardene 3 months ago 69 0 0
සුදු පුතා
දෙවිපිහිට පතන්නෙමි
සදාදර අප්පච්චි,
*
කාලෙකින්
බැරිවුනා
තොරතුරක්
දැනගන්න
අම්මාට
හොඳයි නේ
ඔයත් ඇති සනීපෙන්.
*
උස් තැනට ගෙනාවට
මාව බරකට නොගෙන
රටේ බර කරට ගත්
කොහිද මට නිදහසක්
*
අර කොනේ මේ කොනේ
රාජ කා-රිය මටයි
ඇමතිලා, නෝනලා
මා වටා
රොක් වෙලා
*
ලොකු පුතා
රට ගියා
නෝන පොඩි'
දුව එක්ක
මං ඉන්නෙ ජය'පුරේ
නැහැ නිතර
හමුවෙන්නෙ.
*
නෝනලැ'යි
මව් පියන්
ඇවිත් මෙහෙ
ඉන්නවා
ඒ හින්ද මං නැහැයි
උන්ට නැහැ
පාඩුවක්
*
තව උසස්
වීමකුත්
ලැබේවිලු ළඟදීම
මම ඉන්න
තත්වෙ ගැන
ඔයාටත්
සතුටු ඇති!
*
ලබන අවු'-රුද්දෙ මැද
විත් යන්න හැකිවේවි
මේ එවන පන්-දාහෙ
බෙහෙත් ටික
අරගන්න!
*
ආයිමත් ලියන්නම්
හැම දෙනා සිහිකරමි
මේ ඔබේ සදාදර,
දිසාපති
සුදු පුතා!
------------------------------
රනේ/11ජුලි2024/
සුදු පුතා