ආදර කතා

ශ්රේක්ට ෆියෝනා ආදරේ කළා
රාක්ෂයෙක්ට ආදරේ කරන්න
කුමාරිකාවකට බැරි නෑ කියලා
සුරංගනා ලෝකෙටම ඒත්තු ගැන්නුවා

සදාකාලිකව සුන්දර කුමරියක් වෙන්න
දෛවයෙන් උරුම වුණු අවස්ථාව
රාක්ෂයෙකූගේ ආදරේ ඉස්සරහදි
දෙපාරක් නොහිතා සතුටින් අත්හැරියා

ජීවිතේ හමුවුන හමුවීම් අතරේ
වංචාවක් නැති සරල හිත්වලට
මොන කතාවෙත් අන්තිමට
දෛවය හැබෑ ආදරේ උරුම කළා

රාක්ෂ මුහුණක් පිටු පසින්
ආදරණීය හදවතක් දකින්න
සුරූපී කුමරියකටත්
සංවේදී හැගීම් තිබුණා

ජීවිතේ දකින දෙයට ඇතුලතින්
හැබෑවටම හදවතටම ආදරේ කරපු
බියුටි සහ බීස්ට්ලා
සුරංගනා ලෝකෙ පුරා ම හිටියා

ඒ හැම තැනකදිම
විරූපී මුහුණ පිටුපස
සුරූපී හදවතක්
සිකුරු තරුවක් වගේ දිළිසුණා

ඒකයි වැදගත්ම දේ
දන්නවද හැබෑ ආදරේ ළග
ඇස් දෙකට පේන බාහිර පෙනුම
තුට්ටුවකට මායිම් නොවුණා

සුරංගනා කතාවලට මෙහා ලෝකෙත්
අවංක හදවත් නිරන්තර
සදානන්ද බැදීමකින්
ලස්සනට තදට බැදිලා තිබුණා

හැබෑවටම ආදරේ ගැන
නේක විධ කතාන්දර
අතීතයේ සිටම වර්තමානයට
හැමදාම ලියවෙමින් තිබුණා

මම,
චතූ